Ɛksodɔs 15:11 - EBƆRƐ BE KAWƆL

¹¹ O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 15:11 ပူးပေါင်းရင်းမြစ်များ

2 Samuɛl 7:22

kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Kronikɛls 16:25

Enyɛnpe Ebɔrɛ kɔ eleŋ nseŋ daga kemaŋkura. Mo e daga bunyaŋ a chɔ agbir.

2 Kronikɛls 2:5

Mee sha kepɔr bɔrɛlambu nɛ k shibi ga nna, ŋkpal manɛ so, anyi be Ebɔrɛ na kɔ eleŋ a chɔ kegbir kikɛ.

2 Kronikɛls 6:14

ŋ kule Ebɔrɛ le: “Enyɛnpe nɛ fo la Israɛl be Ebɔrɛ na, Ebɔrɛ kikɛ maŋ naa wɔtɔ fanɛ fo ashi esoso nɛ kasawule kikɛ. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ so nɛ b ta bumo be ŋgbene kikɛ a wora kasonu a sa fo na nna.

Nshɛ 113:5

Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 136:4

Mo nawule e naa wora emamachisheŋ gboŋgboŋi na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 60:2

Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

Nshɛ 66:5

Ba keni kusɔ nɛ Ebɔrɛ wora; nɛ ashuŋ nɛ a bee keta kufu nɛ e shuŋ dimɛdi be kaplɛa so.

Nshɛ 77:11

Enyɛnpe Ebɔrɛ, meeŋ baa nyiŋi fo asheŋgboŋ nɛ emamachisheŋ nɛ fo wora dra dra na be asheŋ.

Nshɛ 77:14

Fo nawule e la Ebɔrɛ nɛ e bee wora emamachisheŋ; nsaa ŋini fo eleŋgboŋ ashi efuliana na be basa to.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Nshɛ 89:18

Kashenteŋto, anyi be kekuŋ bee shi Enyɛnpe Ebɔrɛ na kutɔ nna. Israɛl be Ebɔrɛ cheembi na e la anyi be ewura.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 8:10

Ndoŋ nna nɛ Fɛɛro kaŋɛ: “Kumo ere ba kule Ebɔrɛ n sa ma echefo.” Nɛ Mosis shuli so ŋ kaŋɛ mo: “To, kusɔ nɛ fo kaŋɛ ere beeŋ wora loŋ nɛ fo pin fanɛ esa kikɛ maŋ naa wɔtɔ a du fanɛ Enyɛnpe Ebɔrɛ nɛ e la anyi be Ebɔrɛ na.

Ɛksodɔs 8:6

Ndoŋ nna nɛ Ɛɛrɔn teŋi mbe enɔ nɛ kekpabi na n shoŋi n shoŋi Ijipt be nchuana kikɛ so nɛ epulo na lar amo to m ba sɔ Ijipt be kasawule so kikɛ.

Ɛksodɔs 9:14

Nɛ mannɛ aloŋ, meeŋ shin nɛ kulɔ lubi nɛ k chɔ etɔrɔana ere kikɛ e tu fo nɛ fo beyaasepo nɛ fo basa kikɛ nɛ fo pin fanɛ esa kikɛ maŋ naa wɔtɔ a du fanɛ ma ashi durnya ere to kikɛ.

Aizaaya 30:11

Men yige kebaakaŋɛ anyi kusɔ nɛ Ebɔrɛ kaŋɛ be asheŋ! Anyi maŋ naa sha kenu shɛŋ a laŋɛ Israɛl be Ebɔrɛ cheembi na be kaplɛa so.”

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Levitikɔs 19:2

e kaŋɛ Israɛlebi na le: “Men baa du cheembi, ŋkpal manɛ so, ma Enyɛnpe, men be Ebɔrɛ na du cheembi nna.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 3:24

“Enyɛnpetale Ebɔrɛ, n nyi fanɛ asheŋgboŋ nɛ emamachisheŋ nɛ fee sha kewora na nɛ fo fara ŋ ŋini ma na. Ebɔrɛ kikɛ maŋ naa wɔ ebɔrɛso ŋko kasawule so nɛ e beeŋ tiŋ n wora asheŋgboŋ nɛ fo wora ere!

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Kelaraŋŋini 13:4

Basa daa maŋ kusɔ gbeyeso na so nna ŋkpal e ka daŋ ta mbe eleŋ n sa kusɔbɔya na so nseŋ maŋ kusɔbɔya na gba so nseŋ bishi le: “Wanɛ malɛ e naa du fanɛ kusɔbɔya ere? Wanɛ e naaŋ tiŋ ŋ kɔ mo kena?”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.