Ɛksodɔs 15:10 - EBƆRƐ BE KAWƆL

¹⁰ Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Ɛksodɔs 15:10 ပူးပေါင်းရင်းမြစ်များ

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

2 Samuɛl 18:8

Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Nshɛ 135:7

Mo e naa shin nɛ bɔrɛwɔlpa bee yili durnya be ekar a ka a dii a buu so; nsaa shin nɛ bɔrɛ bee ba nsaa nyɛkpɛ nɛ afu bee shi kakpa nɛ k wɔ a chela.

Nshɛ 147:18

Mo koŋwule na e naa malga nɛ afu bee ber, nɛ abɔrɛjembubi na bee ŋalga a ki nchu a shile mbombi to na.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Ɛksodɔs 15:5

Teku na ka bee baga to a buu so a ba na nɛ k muni bumo so nɛ b chul n yɔ kumo be kaseto fanɛ kejembu na.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Aizaaya 11:15

Kumo be kaman nɛ Enyɛnpe Ebɔrɛ na e shin nɛ Teku Peper na be keyabi nɛ k mata Ijipt na e wɔlto nseŋ shin nɛ afu tushiso e ba shin nɛ lɔrgboŋ nɛ baa tre Yufreetes na gba e wɔlto ŋ ka mbombi wurbi ashunu nawule. Saŋɛ na so ekama beeŋ tiŋ n nite m bɔla kumo to n choŋ.

Jɛremaya 10:13

Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Jɛremaya 46:17

Kede be kaman nɛ men ta ketre popɔr ere: “Awɔr Damta nɛ Sheŋ Maa wora; n nase Ijipt be ewura.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Matiu 8:27

Kesheŋ na daŋ chinchiŋ bumo ga nɛ b fara a bishi abar: “Nuso malɛ be nyiŋgbasa nde, hale afuana nɛ atiliana gba bee nu mbe kɔnɔ.”

Ditɛronɔmi 11:4

Men wu kananɛ Enyɛnpe Ebɔrɛ na mur Ijipt be benapo nɛ bumo be egbaŋɛ nɛ egbaŋɛturko ashi Teku Peper na to jemanɛ nɛ b daa ju a buu menyi so na.