Ɛksodɔs 15:1 - EBƆRƐ BE KAWƆL

¹ Ade kikɛ be kaman nɛ Mosis nɛ Israɛlebi na kikɛ boŋ le be kashɛ ere n sa Enyɛnpe Ebɔrɛ a kaŋɛ: “Meeŋ boŋ kashɛ n sa Enyɛnpe Ebɔrɛ na, ŋkpal manɛ so e kɔ m pɔɔ so kemaŋkuragboŋ so. Mo e shin nɛ egbaŋɛ nɛ bumo be bediipoana mur ashi teku to na.

Ɛksodɔs 15:1 ပူးပေါင်းရင်းမြစ်များ

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Job be kawɔl 36:24

Beko kpaŋ Ebɔrɛ ŋkpal kusɔ nɛ e wora so, a daga fanɛ fo alɛ gba e kpaŋ mo.

Nshɛ 105:43

Enyɛnpe Ebɔrɛ na ka kɔ n suge mbe basa laraso ashi Ijipt be efuli so na, b daŋ boŋ nshɛ n ji eyur kagbenefuliso nna.

Nshɛ 106:12

Ndoŋ nna nɛ mbe basa na nyiŋi mbe nnɔ naseso nseŋ naŋ yirda mo a boŋ nshɛ a kpaŋ mo.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Nshɛ 76:6

Jeekɔb be Ebɔrɛ, fo ka ponte to, egbaŋɛ nɛ bumo be bediipo kikɛ tɔr nna n wu a dese shruum.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Ɛksodɔs 14:26

Nɛ Enyɛnpe Ebɔrɛ kaŋɛ Mosis le: “Teŋi fo kekpabi n shoŋi teku na nɛ nchu na e bɛta m ba buu Ijipt be benapo na nɛ bumo be egbaŋɛturkoana kikɛ so.”

Ɛksodɔs 14:27

Kare ka bee chɛ na nɛ Mosis teŋi mbe kekpabi n shoŋi teku na nɛ k naŋ bɔlɔ fanɛ kananɛ k daa du na. Nɛ Ijipt be benapo na wora ania fanɛ baaŋ shile n lar nchu na to nɛ Enyɛnpe Ebɔrɛ shin nɛ nchu na ji bumo kikɛ.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Aŋasa 29:6

Belubiworapo be alubi e naa kilgi a pɛ bumo, ama basa nɛ baa wora asheŋ nɛ a niŋi bre bee boŋ kagbenefuli be nshɛ nna.

Aizaaya 42:10

Men boŋ kashɛ popɔr n sa Enyɛnpe Ebɔrɛ na; nɛ durnya to be basa kikɛ e boŋ kashɛ ŋ kpaŋ mo! Menyi nɛ menyee nite teku so, e kpaŋ Enyɛnpe Ebɔrɛ na; nɛ asɔ keniso kikɛ nɛ a wɔ teku to e, kpaŋ mo! Menyi nɛ men wɔ mplasawule nɛ a wɔ kufɔ kufɔ na so, e kpaŋ Enyɛnpe Ebɔrɛ na.

Jɛremaya 51:21

Fo koŋwule na nɛ mee ta a beri egbaŋɛ nɛ amo be bediipo a mɔ; nsaa pechɛ egbaŋɛturko nɛ amo be befarpo to.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Nɔmbɛs 21:17

Ndoŋ nna nɛ Israɛl be basa boŋ le be kasha ere: “Ketirbu, bul nchu. Nɛ an boŋ kasha n chɔrɔ.

Kɔlɔsiebi 2:15

E ka wu kedibi largato na so na, e sɔ esoso be eleŋana nɛ kenimujipoana na kikɛ be eleŋ m pɔɔ bumo so ŋ ŋaba bumo ŋ ŋini durnya.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!