Ɛksodɔs 14:8 - EBƆRƐ BE KAWƆL

⁸ Nɛ Enyɛnpe Ebɔrɛ naŋ shin nɛ Ijipt be ewura Fɛɛro be kagbene naŋ ki kpakpa nɛ e ju m buu Israɛl be basa na so, ŋkpal kananɛ b daŋ lar Ijipt a fɛ fanɛ shɛŋ shɛŋ maaŋ naŋ tiŋ n wora bumo na so so.

Ɛksodɔs 14:8 ပူးပေါင်းရင်းမြစ်များ

Nshɛ 105:43

Enyɛnpe Ebɔrɛ na ka kɔ n suge mbe basa laraso ashi Ijipt be efuli so na, b daŋ boŋ nshɛ n ji eyur kagbenefuliso nna.

Nshɛ 86:13

Ŋkpal manɛ so, kasha nɛ fo kɔ n sa ma na shi alegaiso! Fo mɔlga ma ashi luwu gbagba to.

Ɛksodɔs 10:27

Ama Enyɛnpe Ebɔrɛ daŋ shin nɛ Fɛɛro naŋ wora kagbene kpakpaso ŋ kini keshin nɛ b yɔ.

Ɛksodɔs 13:16

Le be kejigboŋ ere malɛ beeŋ baa du fanɛ tɔɔnɛ be asɔ nɛ anyee kre a mata enɔ so ŋko nsɔto nna a nyiŋi anyi kananɛ Enyɛnpe ŋini eleŋ n lara anyi ashi Ijipt be efuli so.’ ”

Ɛksodɔs 13:18

Amoso Ebɔrɛ daŋ juŋkpar bumo nna ŋ gelge m bɔla teku peper na be kaba so ashi keshishɛrsawule ko so. Israɛlebi na daŋ wora kena be shiriya nna pɔɛŋ nseŋ lar Ijipt.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Ɛksodɔs 14:4

Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.

Ɛksodɔs 14:7

Kumo be kaman nɛ e ta mbe egbaŋɛturko kikɛ nseŋ shin nɛ mbe benapo be benimu luri amo be alfa ashe nɛ a kɔ eleŋ ga na to.

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 9:12

Ama ade kikɛ gba be kaman, Enyɛnpe Ebɔrɛ kraŋ shin nɛ ewura Fɛɛro wora kagbene kpakpaso nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ baŋ kaŋɛ na.

Nfabel 3:65

Shoduu bumo nseŋ shin nɛ b ji awurfoŋ!

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Nɔmbɛs 33:3

Kafɛ to be kufɔl juŋkparso be kachɛ kuduanusopo, kachɛ nɛ b juŋkpar n ji kebansonchoŋ be kejigboŋ na be ŋklade, nɛ Israɛlebi na daŋ lar Ijipt be efuli so. Enyɛnpe Ebɔrɛ daŋ kuŋ bumo nna nɛ b lar Rameses be kade to nɛ Ijiptebi na bee keni bumo nɛ baa yɔ.

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

Ditɛronɔmi 26:8

nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 32:27

Ama m maaŋ tiŋ n shin nɛ men doŋana e puchi fanɛ b tiŋ m pɔɔ ma basa so, saŋɛ nɛ k la fanɛ ŋ gbagba e pɔɔ bumo so.’

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

Demujipoana 4:7

Meeŋ leŋ Sisɛra nɛ e la ewura Jabin be benapo be enimu na to nɛ e ta mbe egbaŋɛturko nɛ benapo m ba nɛ e ba kɔ menyi kena ashi lɔr nɛ baa tre Kishɔn na ase, ama ma alɛ beeŋ shin nɛ men pɔɔ mo so ndoŋ.”