Ɛksodɔs 14:4 - EBƆRƐ BE KAWƆL

⁴ Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.

Ɛksodɔs 14:4 ပူးပေါင်းရင်းမြစ်များ

Nehemaya 9:10

Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.

Ɛksodɔs 10:2

Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Ɛksodɔs 10:27

Ama Enyɛnpe Ebɔrɛ daŋ shin nɛ Fɛɛro naŋ wora kagbene kpakpaso ŋ kini keshin nɛ b yɔ.

Ɛksodɔs 12:28

Kumo be kaman nɛ Israɛlebi na yɔ n ya wora asɔ nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn na kikɛ chap.

Ɛksodɔs 14:23

Israɛlebi na ka bɔla teku na to n choŋ na be kaman nɛ ewura Fɛɛro nɛ mbe benapo malɛ ta bumo be egbaŋɛ nɛ egbaŋɛturkoana m buu bumo so m bɔla teku na to.

Ɛksodɔs 14:25

E daŋ shin nna nɛ bumo be egbaŋɛturkoana na be aya gbaŋ n lar n lar nɛ eturko na be kefar ki bumo so kpakpa. Ndoŋ nna nɛ Ijipt be benapo na kaŋɛ abar le: “Men shin nɛ an bɛta nfe, ŋkpal manɛ so Enyɛnpe Ebɔrɛ bee kɔ anyi kena a chɛ Israɛlebi to nna na.”

Ɛksodɔs 14:3

Saŋɛ na so ewura Fɛɛro beeŋ fɛ mbe kumu to ŋ kaŋɛ: ‘Men keni Israɛlebi na e ya shir a wɔ keshishɛrsawule na so a kulti a maŋ nyi kakpa nɛ baaŋ bɔla n lar na.’

Ɛksodɔs 14:5

Amoso b ka daŋ ya kaŋɛ Ijipt be ewura fanɛ Israɛl be basa na shile n choŋ nɛ mo nɛ mbe basa kikɛ chɛrga bumo be nfɛra nseŋ bishi bumo be amu le: “Manɛ so bre nɛ an wora le be kesheŋ ere? Manɛ nna nɛ an shin nɛ Israɛlebi na yɔ nsaa maaŋ naa shuŋ anyi ere?”

Ɛksodɔs 14:8

Nɛ Enyɛnpe Ebɔrɛ naŋ shin nɛ Ijipt be ewura Fɛɛro be kagbene naŋ ki kpakpa nɛ e ju m buu Israɛl be basa na so, ŋkpal kananɛ b daŋ lar Ijipt a fɛ fanɛ shɛŋ shɛŋ maaŋ naŋ tiŋ n wora bumo na so so.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 7:17

Amoso Enyɛnpe Ebɔrɛ na yɛ: ‘Kesheŋ nɛ mee sha kewora ere e naaŋ shin nɛ fo pin fanɛ ma e la Enyɛnpe Ebɔrɛ na.’ Keni, meeŋ ta kekpabi nɛ k wɔ ma enɔ to ere ŋ ŋmɛa Nail be nchu ere so nɛ a kilgi ŋklaŋ.

Ɛksodɔs 7:3

Ama meeŋ shin nɛ Fɛɛro e wora mbe kagbene kpakpa. Hale nɛ n wora etɔɔnɛsheŋ nɛ emamachisheŋ damta m bɛ abar so ashi Ijipt be kasawule so gba,

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Ezikɛl 28:22

Kaŋɛ basa nɛ b wɔ ndoŋ na fanɛ kusɔ nɛ ma, Enyɛnpetale Ebɔrɛ na kaŋɛ a laŋɛ bumo be kaplɛa so e la fanɛ, Sidɔn be basa, ŋ ki menyi doŋ nna na. Basa malɛ beeŋ maŋkura ma ŋkpal kusɔ nɛ meeŋ wora menyi so. Ŋ kaŋ gberge menyi kusoe ŋ ŋini ma kecheembiya na nɛ basa beeŋ pin fanɛ ma, e la Enyɛnpe Ebɔrɛ na.

Ezikɛl 32:15

Ŋ kaŋ mur bekama nɛ b wɔ Ijipt be efuli so kikɛ nseŋ shin nɛ kasawule na dese fuloŋ na nɛ baaŋ pin fanɛ ma e la Enyɛnpe Ebɔrɛ na.

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 39:13

Ekama nɛ e wɔ kasawule na so beeŋ chɛ to m puli bumo, nɛ kumo be loŋ e shin nɛ b nya kemaŋkura kachɛ nɛ meeŋ kɔ m pɔɔ so na. Ma, Enyɛnpetale Ebɔrɛ na e kaŋɛ na.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Romebi 11:8

Loŋ malɛ nɛ abɔrɛsibɛ na bee kaŋɛ na fanɛ: “Ebɔrɛ sa bumo kebalto nɛ anishi nɛ a maa wu nɛ asoe nɛ a maa nu nna hale m ba fo mbre.”

Romebi 9:17

Ŋkpal manɛ so, le nɛ abɔrɛsibɛ na bee kaŋɛ fanɛ Ebɔrɛ kaŋɛ ewura Fɛɛro: “M maŋ fo so nna ŋkpal le so nɛ m bɔla fo so ŋ ŋini ma eleŋ nseŋ shin nɛ durnya kikɛ e pin ma asheŋ.”

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

Demujipoana 4:7

Meeŋ leŋ Sisɛra nɛ e la ewura Jabin be benapo be enimu na to nɛ e ta mbe egbaŋɛturko nɛ benapo m ba nɛ e ba kɔ menyi kena ashi lɔr nɛ baa tre Kishɔn na ase, ama ma alɛ beeŋ shin nɛ men pɔɔ mo so ndoŋ.”