Ɛksodɔs 14:31 - EBƆRƐ BE KAWƆL

³¹ Israɛlebi na ka wu eleŋgboŋ nɛ Enyɛnpe Ebɔrɛ ŋini ŋ kɔ m pɔɔ Ijiptebi na so na nɛ b bunyaŋ Enyɛnpe Ebɔrɛ na nseŋ yirda mo nɛ mbe kayɛrbi Mosis.

Ɛksodɔs 14:31 ပူးပေါင်းရင်းမြစ်များ

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nehemaya 9:9

An nanaana ka daa wɔ Ijipt be efuli so na, fo daŋ wu awurfoŋ nɛ b daa ji. B ka ya fo Teku Peper na ase nɛ b shu a fin fo kechɛto, nɛ fo alɛ nu bumo be kushu nseŋ chɛ bumo to.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Baru lela nɛ Jɔn kute na 11:45

Ŋkpal kesheŋ ere so Juwebi nɛ b daŋ ba nɛ b ba chɔrɔ Mɛɛri nseŋ wu kusɔ nɛ Yesu daŋ wora na be bedamta daŋ yirda Yesu nna.

Baru lela nɛ Jɔn kute na 2:11

Le be mamachi be kesheŋ ere e daa la emamachisheŋ ana nɛ Yesu daŋ wora n wora ana na to be kejuŋkparso ashi Keena, Galili be efuli so. E daŋ wora loŋ nna ŋ ŋini kananɛ mbe kemaŋkura du nɛ mbe bebɛsopo wora mo yirda.

Ashuŋ Shunso 8:13

Saimɔn gba daŋ yirda Filip be kubɔya na nɛ b bɛr mo kabɔrɛbɛr. Kumo be kaman nɛ e ta mbe kumu m mata Filip nseŋ wu Ebɔrɛ be eleŋ be emamachisheŋ ŋiniso nɛ Filip daŋ wora na nɛ mbe kɔnɔ mɔ mo ga.

Hibruwebi 3:5

Kashenteŋ nna fanɛ anebi Mosis ka daa maŋ lar Ebɔrɛ kaman fanɛ kayɛrbi ashi Ebɔrɛ be kowu to ebi kikɛ to nseŋ daa ji asheŋ nɛ a beeŋ wora kachako so be shɛda na.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

Joshuwa 4:14

Loŋ be kamɔnchɛ nɛ Enyɛnpe Ebɔrɛ maŋ Joshuwa so ashi Israɛlebi na kikɛ be anishito. Amoso yili loŋ be kachɛ na nɛ b fara a sa mo bunyaŋ fanɛ kananɛ b daa sa Mosis gba na.

Joshuwa 4:24

Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

1 Samuɛl 12:16

Amoso men baa yil to kakpa nseŋ keni kusɔ nɛ Enyɛnpe Ebɔrɛ be eleŋ beeŋ wora.

1 Samuɛl 12:18

Ndoŋ nna nɛ Samuɛl kule Enyɛnpe Ebɔrɛ nɛ e shin nɛ bɔrɛ ba nseŋ ponte eleŋso kumo be kamɔnchɛ na kikɛ. Nɛ basa na kikɛ fara a ŋana Enyɛnpe Ebɔrɛ nɛ Samuɛl.