Ɛksodɔs 14:30 - EBƆRƐ BE KAWƆL

³⁰ Kumo be kamɔnchɛ nɛ Enyɛnpe Ebɔrɛ mɔlga Israɛlebi na ashi Ijiptebi na be enɔ to nɛ b wu Ijiptebi na ka wu a deŋ a deŋ teku na be ekarso.

Ɛksodɔs 14:30 ပူးပေါင်းရင်းမြစ်များ

2 Kronikɛls 32:22

Kananɛ Enyɛnpe Ebɔrɛ na mɔlga ewura Hɛzekaya nɛ Jerusalɛm be basa ashi Asiriya be ewurgboŋ Sennakerɛb nɛ bumo doŋana nɛ b ka na be enɔ to nna na. Kumo be kaman nɛ e shin nɛ kayurwushi ba bumo nɛ efuliana nɛ b chena m mata bumo na kikɛ to.

Nshɛ 106:10

E daŋ mɔlga bumo kikɛ ashi basa nɛ b kishi bumo be enɔ to nna,

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 59:10

Ma Ebɔrɛ nɛ e bee sha ma na beeŋ chɛ ma to, n shin nɛ n wu bedoŋ ka kɔ n tɔr.

Nshɛ 91:8

Fo anishi nɛ feeŋ ta n wu kasogberge nɛ kumukpakpasowuraana beeŋ nya.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Juud 1:5

N nyi men ka tea nyi asheŋ nɛ mee sha kekaŋɛ menyi ere kikɛ, ama mee sha kenyiŋi menyi kananɛ Enyɛnpe daŋ mɔlga mbe basa Israɛlebi ashi Ijipt be kasawule so nna. Kumo be kaman nɛ e mur bumo to be bumo nɛ b daa maŋ yirda mo na.

Demujipoana 10:11

Nɛ Enyɛnpe Ebɔrɛ na kaŋɛ: “Jemanɛ nɛ Ijiptebi nɛ Amɔriebi nɛ Ammɔnebi nɛ Filistiebi nɛ

1 Samuɛl 11:13

Ama le nɛ Sɔɔl bre daŋ kaŋɛ: “B maaŋ mɔ esa kama kabre ŋkpal manɛ so le be kachɛ ere nɛ Enyɛnpe Ebɔrɛ ta m mɔlga Israɛl be basa.”

1 Samuɛl 14:23

B daŋ kɔ bumo kena hale n ya choŋ Bɛf Avɛn so. Kumo be kamɔnchɛ nɛ Enyɛnpe Ebɔrɛ mɔlga Israɛlebi na.