Ɛksodɔs 14:28 - EBƆRƐ BE KAWƆL

²⁸ Nchu na daŋ bɔlɔ m bɛta kaman nna n ya muni Fɛɛro be benapo nɛ b daŋ ta egbaŋɛturkoana nɛ mbe egbaŋɛdiipoana m bɔla kasawule wɔlso so ashi teku na be nferinto n ju a buu Israɛlebi na so nɛ bumo kikɛ nyam mur.

Ɛksodɔs 14:28 ပူးပေါင်းရင်းမြစ်များ

Nshɛ 78:53

E ka daa juŋkpar bumo so, kufu daa maa kɔ bumo; ama Teku Peper na daŋ mur bumo doŋana bre nna.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Nshɛ 136:15

Mo e daŋ shin nɛ Ijipt be ewura nɛ mbe benapo ji nchu m mur ashi Teku Peper na to na; mbe kasha nɛ k maa chɛrga na malɛ wɔtɔ nna mbaanaayɔ.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

2 Kronikɛls 20:24

Judaebi be benapo na ka fo ketempreŋ jeŋgreŋ nɛ k wɔ keshishɛrsawule na ase na, nɛ b wu kananɛ bumo doŋana kikɛ wu a dese kasawule. Bumo be ekoŋwule gba daa maŋ naŋ ka.

Ditɛronɔmi 11:4

Men wu kananɛ Enyɛnpe Ebɔrɛ na mur Ijipt be benapo nɛ bumo be egbaŋɛ nɛ egbaŋɛturko ashi Teku Peper na to jemanɛ nɛ b daa ju a buu menyi so na.

Ɛksodɔs 15:10

Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 15:19

Israɛlebi na daŋ bɔla teku na to nna n nite kasawule wɔlso so n choŋ. Ama Fɛɛro be egbaŋɛturkoana nɛ egbaŋɛdiipoana na bre ka bɔla teku na to nɛ b choŋ nɛ Enyɛnpe Ebɔrɛ shin nɛ nchu na bɛta m ba mur bumo kikɛ.

Demujipoana 4:16

Nɛ Barak nɛ mbe benapo ju m buu bumo so hale n ya lar Haroshɛt Hagoyim. B daŋ mɔ Sisɛra be benapo na kikɛ. Esa koŋwule gba daŋ maŋ ka.

Jɛnesis 7:18

Nchu na daŋ wora keshi nseŋ dii esoso hale nɛ kuloŋgboŋ na fara a na amo so.

Jɛnesis 50:9

Basa nɛ b daŋ tu mo n yɔ na to be beko daa wɔ egbaŋɛturko to nna nɛ bede dii egbaŋɛ. Kashenteŋto jimaŋ damta e daa la bumo.

Nshɛ 106:22

Bumo alɛ daŋ naŋ teŋ alemaŋkarsheŋ nɛ e wora ashi teku peper na ase na be asheŋ so nna.