Ɛksodɔs 14:27 - EBƆRƐ BE KAWƆL

²⁷ Kare ka bee chɛ na nɛ Mosis teŋi mbe kekpabi n shoŋi teku na nɛ k naŋ bɔlɔ fanɛ kananɛ k daa du na. Nɛ Ijipt be benapo na wora ania fanɛ baaŋ shile n lar nchu na to nɛ Enyɛnpe Ebɔrɛ shin nɛ nchu na ji bumo kikɛ.

Ɛksodɔs 14:27 ပူးပေါင်းရင်းမြစ်များ

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Nshɛ 106:11

nseŋ shin nɛ nchu na ji bumo doŋana nɛ b daa ju a buu bumo so na bre. Hale ekoŋwule gba daa maŋ ji efute.

Nshɛ 136:15

Mo e daŋ shin nɛ Ijipt be ewura nɛ mbe benapo ji nchu m mur ashi Teku Peper na to na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 78:53

E ka daa juŋkpar bumo so, kufu daa maa kɔ bumo; ama Teku Peper na daŋ mur bumo doŋana bre nna.

Aizaaya 10:26

Ma, Enyɛnpetale Ebɔrɛ na gbagba e naaŋ ta ma kuchuchɔ ŋ kuya bumo so, fanɛ kananɛ n daŋ wora Midian be efuli so ebi ashi kefalta nɛ k wɔ kakpa nɛ baa tre Ɔrɛb na. Ma alɛ beeŋ ŋini ma eleŋgboŋ nɛ n daŋ ŋini nseŋ shin nɛ ekpa dese Teku Peper na to ashi Ijipt be efuli so na.

Ditɛronɔmi 11:4

Men wu kananɛ Enyɛnpe Ebɔrɛ na mur Ijipt be benapo nɛ bumo be egbaŋɛ nɛ egbaŋɛturko ashi Teku Peper na to jemanɛ nɛ b daa ju a buu menyi so na.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

Joshuwa 4:18

Bɔrɛmatapoana nɛ b sulɔ Enyɛnpe Ebɔrɛ be ŋkre be deka na be aya ka baŋ cha lɔr na be kegroŋgu so nɛ k naŋ fara a shile nseŋ bɔlɔ n to chuful epul na to.