Ɛksodɔs 14:22 - EBƆRƐ BE KAWƆL

²² Nɛ Israɛl be basa na bɔla kumo be nferinto n nite kasawule wɔlso na so n choŋ, nɛ nchuana na ki fanɛ egbalana ashi bumo be jisa so nɛ bumo be bena so kikɛ.

Ɛksodɔs 14:22 ပူးပေါင်းရင်းမြစ်များ

2 Bewura 2:14

n ya ta piŋi na ŋ ŋmɛa nchu na so nseŋ kaŋɛ le: “Nnɛ nɛ anebi Elaija be Ebɔrɛ na wɔ?” Ndoŋ nna nɛ lɔr na naŋ ku to anyɔ nɛ e naŋ dii.

2 Bewura 2:8

Ndoŋ nna nɛ anebi Elaija lara mbe piŋi nseŋ bɔlɔɔ kumo ŋ ŋmɛa nchu na nɛ a ku to anyɔ nɛ mo nɛ Elaisha nite kasawule wɔlso so n yɔ lɔr na be kaba ndoŋ.

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Nshɛ 106:9

E daŋ kaŋɛ teku peper na nna fanɛ k ku to, nɛ k ku to. Ndoŋ nna nɛ e juŋkpar bumo kasawule wɔlso so m bɔla kumo to n choŋ.

Nshɛ 136:13

Mo e daŋ shin nɛ Teku Peper na ku to; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 136:14

Enyɛnpe Ebɔrɛ na e juŋkpar mbe basa Israɛlebi m bɔla teku to nɛ shɛŋ maŋ wora bumo na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 66:6

Mo e shin nɛ teku wɔlto ŋ ki kasawule, nɛ an nananyɛnana nite kumo to n dii, nɛ an ji eyur ŋkpal kusɔ nɛ e wora na so.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Nshɛ 78:13

E daŋ shin nɛ teku na ku to nna, nseŋ shin nɛ nchu na ki fanɛ egbal a yil, nɛ e juŋkpar bumo m bɔla kumo to n choŋ.

Ɛksodɔs 14:29

Ama Israɛlebi na bre daŋ nite kasawule wɔlso so nna m bɔla teku nɛ k ki fanɛ egbalana a wɔ bumo be jisa so nɛ bena so n dii pɔɛŋ nɛ nchu na ji Ijipt be benapo na.

Ɛksodɔs 15:19

Israɛlebi na daŋ bɔla teku na to nna n nite kasawule wɔlso so n choŋ. Ama Fɛɛro be egbaŋɛturkoana nɛ egbaŋɛdiipoana na bre ka bɔla teku na to nɛ b choŋ nɛ Enyɛnpe Ebɔrɛ shin nɛ nchu na bɛta m ba mur bumo kikɛ.

Ɛksodɔs 15:8

Fo kamuna to be efutegboŋ nawule e shin nɛ nchu nɛ a daŋ ber abar so na kikɛ barga to n niŋi to n yili fanɛ egbal na, nɛ teku na be kechimbi to ki kasawule wɔlso.

Aizaaya 11:15

Kumo be kaman nɛ Enyɛnpe Ebɔrɛ na e shin nɛ Teku Peper na be keyabi nɛ k mata Ijipt na e wɔlto nseŋ shin nɛ afu tushiso e ba shin nɛ lɔrgboŋ nɛ baa tre Yufreetes na gba e wɔlto ŋ ka mbombi wurbi ashunu nawule. Saŋɛ na so ekama beeŋ tiŋ n nite m bɔla kumo to n choŋ.

Aizaaya 11:16

Ekpagboŋ lela beeŋ dese n shi Asiriya be efuli so n sa mbe basa Israɛlebi nɛ b ji efute nseŋ ka a wɔ ndoŋ na nɛ b bɔla so, fanɛ kananɛ ekpa lela daa dese n sa bumo nanaana jemanɛ nɛ b daŋ lar Ijipt be efuli so na.

Aizaaya 43:16

Dra dra na kikɛ nɛ Enyɛnpe Ebɔrɛ na nase ekpa teku peper na to n sa menyi ashi Ijipt be efuli so.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Aizaaya 63:13

Enyɛnpe Ebɔrɛ na ka daa juŋkpar bumo so, b daa kɔ eleŋ nna fanɛ egbaŋɛ ka yeŋ a shile nsaa maa fiti na nna.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Nɔmbɛs 33:8

B ka koso Pii Hahirɔf nɛ b dii Teku Peper na n ya luri Shur be keshishɛrsawule na to n nite nchɛ asa pɔɛŋ nseŋ naŋ ya wora bumo be keeyi to ashi Mara.

1 Kɔrintebi 10:1

Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

Hibruwebi 11:29

Yirda so nɛ Israɛlebi na daŋ tiŋ m bɔla teku peper na to n nite n lar fanɛ kasawule wɔlso na, ama Ijiptebi na ka ba kaa sha kenite loŋ n choŋ nɛ b ji nchu.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 4:22

men kaŋɛ bumo kananɛ Jɔɔdan be lɔr daŋ ku to nɛ Israɛlebi nite kumo to n dii na.

1 Samuɛl 25:16

Saŋkama nɛ anyee keni anyi be mbolpɔ so, b daa kuŋ anyi kapa nɛ kanyɛ nna.