Ɛksodɔs 14:21 - EBƆRƐ BE KAWƆL

²¹ Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Ɛksodɔs 14:21 ပူးပေါင်းရင်းမြစ်များ

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

2 Bewura 2:8

Ndoŋ nna nɛ anebi Elaija lara mbe piŋi nseŋ bɔlɔɔ kumo ŋ ŋmɛa nchu na nɛ a ku to anyɔ nɛ mo nɛ Elaisha nite kasawule wɔlso so n yɔ lɔr na be kaba ndoŋ.

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Job be kawɔl 26:12

Ebɔrɛ be eleŋgboŋ nɛ e ta m pulgi teku to, nseŋ bɔla mbe kanyiasheŋ so ŋ ku teku to be kusɔbɔya lubi gboŋgboŋi nɛ baa tre Reehab na to.

Job be kawɔl 38:24

Nnɛ nɛ bɔrɛ be kenyɛkpɛ bee shi a lar, ŋko nnɛ nɛ epeŋilarkpa be afu bee shi a ba?

Nshɛ 136:13

Mo e daŋ shin nɛ Teku Peper na ku to; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 148:8

Bɔrɛ be kenyɛkpɛ nɛ abɔrɛjembubi nɛ kunyɔlɔ nɛ awɔlpaana nɛ bɔrɛfugboŋana nɛ amo kikɛ bee nu a sa mo na e baa kpaŋ mo.

Nshɛ 66:6

Mo e shin nɛ teku wɔlto ŋ ki kasawule, nɛ an nananyɛnana nite kumo to n dii, nɛ an ji eyur ŋkpal kusɔ nɛ e wora na so.

Nshɛ 74:13

Fo eleŋgboŋ nɛ fo ta n nase ekpa teku peper na to, nseŋ bure nchu to be asɔ keniso lubi gboŋgboŋi na be amu to.

Nshɛ 78:13

E daŋ shin nɛ teku na ku to nna, nseŋ shin nɛ nchu na ki fanɛ egbal a yil, nɛ e juŋkpar bumo m bɔla kumo to n choŋ.

Ɛksodɔs 14:16

Teŋi fo kekpabi na n shoŋi teku na nɛ k ku to nɛ Israɛlebi na e nite kasawule wɔlso so m bɔla kumo to n choŋ.

Ɛksodɔs 14:20

Malaika na daa wɔ Ijipt be benapo na nɛ Israɛlebi na be nferinto nna. Kuwɔlpa na daŋ shin nna nɛ ketentembiri buu Ijipt be benapo na so nseŋ sa Israɛlebi na bre kefulto. Amoso kanyɛ na kikɛ Ijiptebi be benapo na daa maŋ tiŋ n tu Israɛlebi be benapo be katuŋ na.

Ɛksodɔs 15:8

Fo kamuna to be efutegboŋ nawule e shin nɛ nchu nɛ a daŋ ber abar so na kikɛ barga to n niŋi to n yili fanɛ egbal na, nɛ teku na be kechimbi to ki kasawule wɔlso.

Ɛksodɔs 7:19

Kede be kaman nɛ Enyɛnpe Ebɔrɛ kaŋɛ Mosis le: “Kaŋɛ Ɛɛrɔn le: ‘Teŋi fo kekpabi na n shoŋi Ijipt be nchuana fanɛ eboŋana nɛ nchu be abɔr kursoana nɛ apaana nɛ edampuana nɛ atirbuana kikɛ nɛ a ki ŋklaŋ.’ Ijiptebi be asɔ nɛ baa saŋ nchu a wɔtɔ kikɛ fanɛ mpuya nɛ eboketi nɛ echeenshigboŋ nɛ egarwa kikɛ to be nchu beeŋ ki ŋklaŋ.”

Aizaaya 23:11

Enyɛnpe Ebɔrɛ na teŋi mbe enɔ to m baŋ teku so n ya shin nɛ kufugboŋ tɔr efuliana na so. Mo alɛ yili kumo nna fanɛ Fenisha be efuli so be ndegboŋ nɛ b pɔr egbal lempoana ŋ kulti na kikɛ beeŋ mur.

Aizaaya 43:16

Dra dra na kikɛ nɛ Enyɛnpe Ebɔrɛ na nase ekpa teku peper na to n sa menyi ashi Ijipt be efuli so.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Aizaaya 51:15

Ŋkpal manɛ so, ma e la Enyɛnpe menyi be Ebɔrɛ na. Ma e naa shin nɛ teku bee baga to nsaa ku atili a wora awɔr. Ma ketre e la Enyɛnpetale Ebɔrɛ!

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Aizaaya 63:13

Enyɛnpe Ebɔrɛ na ka daa juŋkpar bumo so, b daa kɔ eleŋ nna fanɛ egbaŋɛ ka yeŋ a shile nsaa maa fiti na nna.

Habakuk 3:8

O Enyɛnpe Ebɔrɛ, elɔrana e daŋ shin nɛ fo nya agbo a? Teku e daŋ shin nɛ fo kagbene kaa alegaiso a? Abɔrɛwɔlpa nɛ a bee bar bɔrɛfugboŋ na so nɛ fo chena fanɛ gbaŋɛturko na m bar kekɔmpɔɔso m ba sa fo basa.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Joshuwa 2:10

Ŋkpal manɛ so, an nu kananɛ Enyɛnpe Ebɔrɛ na shin nɛ teku peper na wɔlto saŋɛ nɛ men lar ljipt be efuli so a ba na, nɛ kananɛ men kɔ Sihɔn nɛ Ɔg nɛ b daa ji kuwura Amɔriebi be kasawule nɛ k wɔ Jɔɔdan be epeŋilarkpa na kena m mur bumo nɛ bumo be asɔ kikɛ na be asheŋ.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 4:23

Nseŋ naŋ kaŋɛ bumo fanɛ Enyɛnpe nɛ e la bumo be Ebɔrɛ na, daŋ shin nɛ loŋ wora nna fanɛ kananɛ e daŋ shin nɛ Teku peper na ku to nɛ an daŋ nite kumo to n dii na.