Ɛksodɔs 14:20 - EBƆRƐ BE KAWƆL

²⁰ Malaika na daa wɔ Ijipt be benapo na nɛ Israɛlebi na be nferinto nna. Kuwɔlpa na daŋ shin nna nɛ ketentembiri buu Ijipt be benapo na so nseŋ sa Israɛlebi na bre kefulto. Amoso kanyɛ na kikɛ Ijiptebi be benapo na daa maŋ tiŋ n tu Israɛlebi be benapo be katuŋ na.

Ɛksodɔs 14:20 ပူးပေါင်းရင်းမြစ်များ

Nshɛ 18:11

E ta tentembiri nna ŋ kulti mbe kumu, nɛ abɔrɛwɔlpa ta mo ŋ ŋana awɔlpa to.

Nshɛ 78:53

E ka daa juŋkpar bumo so, kufu daa maa kɔ bumo; ama Teku Peper na daŋ mur bumo doŋana bre nna.

Ɛksodɔs 14:19

Ade kikɛ be kaman nɛ Ebɔrɛ be malaika mo nɛ e daa wɔ kuwɔlpa to a juŋkpar Israɛlebi na bɛta n ya kaa bɛ bumo be kaman.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Aizaaya 52:12

Ama men sa maŋ kuse n lar ndoŋ. Ŋkpal manɛ so, esa kama maa ju a buu menyi so. Enyɛnpe menyi be Ebɔrɛ na e naaŋ baa juŋkpar menyi, nsaa kuŋ menyi kaba kama so ashi men doŋana be enɔ to.

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.