Ɛksodɔs 13:9 - EBƆRƐ BE KAWƆL

⁹ Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 13:9 ပူးပေါင်းရင်းမြစ်များ

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 136:11

Mo e daŋ juŋkpar Israɛlebi n lar Ijipt be efuli so na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 136:12

Mbe eleŋgboŋ nɛ enɔ lempo so nɛ e bɔla so n lara bumo ashi Ijipt be efuli so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 89:13

Fo shibi nsaa kɔ eleŋ pasaa!

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:16

Le be kejigboŋ ere malɛ beeŋ baa du fanɛ tɔɔnɛ be asɔ nɛ anyee kre a mata enɔ so ŋko nsɔto nna a nyiŋi anyi kananɛ Enyɛnpe ŋini eleŋ n lara anyi ashi Ijipt be efuli so.’ ”

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 7:4

Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Aŋasa 1:9

Ŋkpal manɛ so bumo be keŋini na beeŋ sa fo da lela, fanɛ kananɛ neemu ŋko kubɔtoshembi bee sa esa kela na.

Aŋasa 3:21

M pibinyɛn, baa kɔ fo kanyiasheŋ nɛ fo lakal to kpakpa. Sa maŋ shin nɛ a shile fo kikɛ.

Aŋasa 7:23

nɛ b ya too ketanyembi n wɔtɔ kumo be kagbene to m mɔ na. Kebinyɛnbi na daa du nna fanɛ kabuibi nɛ e bee yɔ kejigbelɛ to. E daa maŋ nyi fanɛ kenishipere to nɛ e bee yɔ na.

Sɔlɔmɔn 8:6

Sa maŋ naŋ sha esa kikɛ n ti ma so. Baa sha ma nawule Kasha kɔ eleŋ nna fanɛ luwu. Kasha beeŋ tiŋ m mɔ esa. Kasha bee suse nna fanɛ edɛ

Aizaaya 27:1

Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Aizaaya 40:10

Enyɛnpetale Ebɔrɛ na kɔ eleŋgboŋ a ba nɛ e ba ji kuwura basa so eleŋso. E keta basa nɛ e kɔ m mɔlga bumo na nna a ba, nɛ kumo be loŋ fuli mbe kagbene.

Aizaaya 44:5

Basa pɔtɛ beeŋ kaŋɛ le kukoko to: ‘N la Enyɛnpe Ebɔrɛ peya nna.’ Baaŋ ta bumo be amu n ti Israɛl be basa so. Bumo be ekama beeŋ sibɛ Enyɛnpe Ebɔrɛ na be ketre n deŋi mbe be kabre so nsaa tre mo kumu Ebɔrɛ be esa.”

Aizaaya 49:16

Jerusalɛm, m maaŋ teŋ fo so kikɛ! N sibɛ fo ketre nna n deŋi ma enɔ be epun to so, kumo alɛ maaŋ tiŋ ŋ kpra kikɛ. Fo asheŋ wɔ ma nfɛra to jemanɛ kikɛ nna.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Jɛremaya 22:24

Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Nɔmbɛs 15:39

Saŋkama nɛ men wu ajolobi na, a beeŋ ba nyiŋi menyi Enyɛnpe Ebɔrɛ be mbraana na, nɛ men ba bɛ amo so nsaa maaŋ ya ka ji kubojua a bɛ men be anishi be awuso nɛ men be ŋgbene be aparsheŋ lubi so.

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Romebi 10:8

Kusɔ nɛ abɔrɛsibɛ na naa kaŋɛ e la: “Ebɔrɛ be kamalga baŋ taga menyi to nna. K baa wɔ menyi be nnɔ to nɛ menyi be ŋgbene to nna.” Yirda na be baru nɛ anyee bɔ a sa basa na.

Ditɛronɔmi 30:14

Ayai, mbraana na wɔ menyi kutɔ nna. Menyeeŋ tiŋ ŋ koya amo m pin amo a kute amo to. Amoso men baa wora amo kasonu naniere.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.

Ditɛronɔmi 6:21

Ndoŋ nna nɛ men kaŋɛ bumo le: ‘An daa la Ijipt be ewura Fɛɛro be anya nna, ama Enyɛnpe Ebɔrɛ na ta mbe eleŋgboŋ ŋ kɔ n sɔ anyi n yige.

Ditɛronɔmi 6:6

Men sa maŋ kaŋ teŋ mbraana nɛ n ta a sa menyi kabre ere so kikɛ.

Ditɛronɔmi 6:8

Men baa kre amo menyi be mbre so nsaa chɛ amo a mata menyi be nsɔto nɛ e baa la kanyiŋi n sa menyi.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”

Demujipoana 2:12

B daŋ yige kebaabunyaŋ bumo tutoana be Ebɔrɛ nɛ e lara bumo Ijipt be efuli so m ba na nna, nsaa shuŋ basa nɛ b chena ŋ kulti bumo na be agbirana. Ndoŋ nna nɛ Enyɛnpe Ebɔrɛ na nya agbo n wɔtɔ bumo