Ɛksodɔs 13:5 - EBƆRƐ BE KAWƆL

⁵ Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 13:5 ပူးပေါင်းရင်းမြစ်များ

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

1 Kronikɛls 1:15

nɛ Hivebi nɛ Aakebi nɛ Sinebi,

Ɛksodɔs 12:24

Men ta le be kesheŋ ere ŋ ki mbra n sa menyi be amu nɛ menyi be kaman to ebi kikɛ mbaanaayɔ.

Ɛksodɔs 13:10

Kumo so, kafɛ kikɛ saŋɛ ere so, men baa nyiŋi a wora le be kejigboŋ ere.

Ɛksodɔs 13:11

Ama saŋkama nɛ Enyɛnpe Ebɔrɛ kaŋ yɛr menyi Keenanebi be kasawule na so fanɛ kananɛ e nase kɔnɔ n sa menyi nɛ men tutoana fanɛ e beeŋ ta kumo n sa menyi na,

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 33:1

Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Ɛksodɔs 6:8

Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Jɛremaya 11:5

Kumo be kaman nɛ n wora m bɔlɔ kɔnɔ nɛ n nase n sa bumo nanaana na fanɛ meeŋ sa bumo kasawule lela nɛ k bee wora adɔjibi nɛnɛ nɛ b kɔ naniere na so.” Kede be kaman nɛ ŋ kaŋɛ le: “Mm, Enyɛnpe Ebɔrɛ, k la kashenteŋ nna.”

Jɛremaya 32:22

Kumo be kaman nɛ fo ta kasawule nɛ k kɔ eleŋ a wora adɔjibi nɛnɛ ga na n sa Israɛlebi bumo nananyɛnana.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Nɔmbɛs 11:12

Mannɛ ma e di bumo be kedampo ŋko ŋ kurge bumo! Nɛ mannɛ nna nɛ fee sha fanɛ ŋ keta bumo enɔ to fanɛ mbi popɔrbi n yɔ kasawule nɛ fo bɔ ntaŋ n nase kɔnɔ fanɛ feeŋ sa bumo nananyɛnana na so?

Nɔmbɛs 13:27

Le nɛ b daŋ kaŋɛ Mosis: “An ya keni kasawule na nseŋ wu fanɛ k la kasawule lela nna. Kumo be asɔrso gba be ako nde.

Nɔmbɛs 14:16

‘Fo, Enyɛnpe Ebɔrɛ mɔ fo basa ashi keshishɛrsawule na so nna ŋkpal fo ka maŋ tiŋ ŋ keta bumo n luri kasawule nɛ fo bɔ ntaŋ n nase kɔnɔ fanɛ feeŋ sa bumo na to so.’

Nɔmbɛs 14:30

maaŋ yɔ kasawule nɛ m bɔ ntaŋ n nase kɔnɔ fanɛ meeŋ sa menyi na so. Jefune pibinyɛn Kalɛb nɛ Nun pibinyɛn Joshuwa nawule e naaŋ yɔ ndoŋ.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Ditɛronɔmi 12:29

Ndoŋ nna nɛ Mosis naŋ kaŋɛ le: “Enyɛnpe menyi be Ebɔrɛ na e naaŋ baa mur efuliana nɛ menyeeŋ baa kɔ a sɔ bumo be nsawule na nɛ men nya n chena ndoŋ.

Ditɛronɔmi 19:1

Nɛ Enyɛnpe Ebɔrɛ na kaŋ mur basa nɛ e bee ta bumo be kasawule a sa menyi ere nɛ men sɔ bumo be ndegboŋana nɛ nwuana n chena,

Ditɛronɔmi 26:1

Nɛ men kaŋ ya kɔ n sɔ kasawule nɛ Enyɛnpe menyi be Ebɔrɛ na ta a sa menyi na n chena so n loge,

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.