Ɛksodɔs 13:3 - EBƆRƐ BE KAWƆL

³ Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 13:3 ပူးပေါင်းရင်းမြစ်များ

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

1 Kronikɛls 16:12

Menyi Jeekɔb be kaman to ebi nɛ Ebɔrɛ be anya nɛ menyi Israɛl be kaman to ebi nɛ Ebɔrɛ lara na, men baa nyiŋi Ebɔrɛ be emamachisheŋ nɛ kananɛ e bee ji asheŋ nɛ amo be ekpa so be asheŋ.

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nehemaya 9:10

Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 114:1

Jemanɛ nɛ Israɛl be basa lar basa nɛ baa gbar ŋgbar pɔtɛ ashi Ijipt be efuli so to na,

Nshɛ 136:11

Mo e daŋ juŋkpar Israɛlebi n lar Ijipt be efuli so na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 136:12

Mbe eleŋgboŋ nɛ enɔ lempo so nɛ e bɔla so n lara bumo ashi Ijipt be efuli so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 89:14

Fee ji kuwura ekpa niŋiso so, nsaa ji asheŋ nɛ amo be ekpa so nna. Kasha nɛ kashenteŋji bee dii efuli kusɔ kama nɛ fee wora to nna.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:17

Men baa wora bodobodo nɛ a maŋ kɔ yiisi na be kejigboŋ saŋkikɛ, ŋkpal manɛ so, kumo be kachɛ na nɛ n lara menyi be kanaŋ ashi Ijipt be kasawule so. Amoso, a daga fanɛ menyi be kaman to ebi kikɛ e baa nyiŋi loŋ be kachɛ ere nɛ k baa la fanɛ mbra n sa bumo mbaanaayɔ.

Ɛksodɔs 12:19

Ŋkpal loŋ so kumo be nchɛnshunu na bre to k maŋ daga menyi be ekama kaa kɔ yiisi ashi mbe laŋ to kikɛ. Ekama, kadetobia ŋko efɔ, nɛ e baŋ ji ajibi kama nɛ a kɔ yiisi, meeŋ lara mo ashi Israɛl be basa to.

Ɛksodɔs 12:2

“Yili kabre a yɔ kufɔl ere e naaŋ baa la kafɛ to be kufɔl juŋkparso n sa menyi Israɛlebi.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 12:42

Loŋ be kanyɛ na Enyɛnpe Ebɔrɛ be anishi daŋ baa yuu Israɛlebi na so nna nɛ b lar Ijipt to. Amoso kafɛ kama nɛ loŋ be kanyɛ baŋ fo, Israɛlebi nɛ bumo be kaman to ebi kikɛ bee gal edi nna a chena kanyiŋiso a bunyaŋ Enyɛnpe Ebɔrɛ na a klade.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 20:8

Men baa ta kewushiachɛ na fanɛ ma, Enyɛnpe Ebɔrɛ be kachɛ nɛ k du cheembi.

Ɛksodɔs 23:15

Men baa wora bodobodo nɛ a maŋ kɔ yiisi na be kejigboŋ nchɛ ashunu kananɛ ŋ ŋini menyi na, Abib be kufɔl nɛ men daŋ lar kumo to ashi Ijipt be kasawule so na to. Loŋ be nchɛnshunu na to ekama e sa maŋ kaŋ ji bodobodo nɛ b ta yiisi n wora. Ekama malɛ e sa maŋ kaŋ ta enɔfuloŋ m ba ma anishito, ama e bar kusɔ ko m ba lara sarga n sa ma.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 7:4

Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Matiu 10:12

Laŋ kama to nɛ men ya kaa luri, men kaŋɛ le: ‘Kagbenewushi e baa wɔ laŋ ere to ebi so.’

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

1 Kɔrintebi 11:24

n chɔrɔ Ebɔrɛ n loge nseŋ bu kumo to nseŋ kaŋɛ: “Ma eyur nɛ ŋ kɔ a sa menyi nde, men baa wora kesheŋ ere a nyiŋi ma.”

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.

Ɛfesesebi 1:19

Kumo be kaman nɛ men naŋ pin mbe eleŋgboŋ nɛ k wɔ anyi nɛ an yirda ere to.

Ditɛronɔmi 13:10

Shin nɛ b kpa bumo ajembu m mɔ! Ŋkpal manɛ so, baa sha kelara fo ashi Enyɛnpe fo Ebɔrɛ nɛ e lara fo kenyaya to ashi Ijipt be efuli so na be kushuŋ to nna na.

Ditɛronɔmi 13:11

Kumo be kaman, Israɛl be basa kikɛ beeŋ nu kusɔ nɛ k wora na be asheŋ, nɛ kufu e pɛ bumo nɛ ekama maaŋ naŋ wora loŋ be kesheŋ lubi na kikɛ.

Ditɛronɔmi 13:5

Kumo be kaman nɛ men mɔ basa nɛ baa kute edare be afito ŋko anebiana nɛ baŋ kaŋɛ menyi fanɛ men lar Enyɛnpe Ebɔrɛ nɛ e lara menyi kenyaya to ashi Ijipt be efuli so kaman na. Le be basa ere la basa lubi nna nsaa wora ania nɛ b lara menyi kebaawɔtɔ nɛ Enyɛnpe Ebɔrɛ na kaŋɛ fanɛ men baa kɔ na to. A daga fanɛ men mɔ bumo, saŋɛ na so menyeeŋ lara kulubi ere ashi menyi to.

Ditɛronɔmi 13:6

Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 16:1

Israɛl be basa, a daga fanɛ men baa ji Kebansonchoŋ be kachɛgboŋ na kufɔl nɛ baa tre ‘Abib’ na to, ŋkpal manɛ so nfɛ nɛ a choŋ na, loŋ be kufɔl na be kanyɛso ko nɛ Enyɛnpe menyi be Ebɔrɛ na kɔ m mɔlga menyi ashi Ijipt be efuli so. ‘Abib’ e la Hibruwebi be sososo be kufɔl ashi bumo be kafɛ to.

Ditɛronɔmi 16:12

Men baa nyiŋi fanɛ men daa la anya nna ashi Ijipt be efuli so, amoso men baa wora mbraana ere kasonu.

Ditɛronɔmi 16:3

Nɛ menyi baa ji Kebansonchoŋ be kachɛgboŋ be ajibi na, men sa maŋ kaŋ ta bodobodo nɛ yiisi wɔ amo to n ti so n ji. Nchɛnshunu nɛ menyee ji bodobodo nɛ a maŋ kɔ yiisi amo to fanɛ kananɛ men daŋ wora jemanɛ nɛ k daŋ ba fanɛ men nya manaŋ n lar Ijipt be efuli so na. Menyeeŋ baa we le be bodobodo nna saŋɛ na so menyeeŋ baa nyiŋi kachɛ nɛ men ta n lar Ijipt be efuli nɛ k daa la awurfoŋ be kaboŋ n sa menyi na so. Baaŋ baa tre bodobodo na ‘awurfoŋ be bodobodo’.

Ditɛronɔmi 24:18

Men baa nyiŋi fanɛ men daa la anya ashi Ijipt be efuli so nna nɛ Enyɛnpe menyi be Ebɔrɛ na sɔ menyi n yige. Amoso nɛ mee sa menyi mbra ere na.

Ditɛronɔmi 24:22

Men sa maŋ kaŋ teŋ so fanɛ menyi alɛ gba daa la befɔ nna ashi Ijipt be efuli so nna. Amoso nɛ mee sa menyi mbra ere na.

Ditɛronɔmi 26:8

nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.

Ditɛronɔmi 5:6

‘Ma e la Enyɛnpe, menyi be Ebɔrɛ nɛ e kɔ n suge menyi ashi Ijipt, kakpa nɛ menyi daa la anya na.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 6:21

Ndoŋ nna nɛ men kaŋɛ bumo le: ‘An daa la Ijipt be ewura Fɛɛro be anya nna, ama Enyɛnpe Ebɔrɛ na ta mbe eleŋgboŋ ŋ kɔ n sɔ anyi n yige.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Joshuwa 24:17

Enyɛnpe Ebɔrɛ na ka lara anyi nɛ an tutoana kenyaya to ashi Ijipt be kasawule so na, an wu emamachisheŋ nɛ e daŋ wora. Mo e daŋ kuŋ anyi ashi anyi be enite kikɛ to ashi efuli kama so nɛ an bɔla n choŋ.

Demujipoana 2:12

B daŋ yige kebaabunyaŋ bumo tutoana be Ebɔrɛ nɛ e lara bumo Ijipt be efuli so m ba na nna, nsaa shuŋ basa nɛ b chena ŋ kulti bumo na be agbirana. Ndoŋ nna nɛ Enyɛnpe Ebɔrɛ na nya agbo n wɔtɔ bumo

Demujipoana 6:8

nɛ Enyɛnpe Ebɔrɛ na shuŋi mbe anebi ko bumo kutɔ nɛ e bar bumo kubɔya. Kusɔ nɛ Enyɛnpe, Israɛl be Ebɔrɛ na kaŋɛ nde: “Ma e daŋ lara menyi kenyaya to ashi Ijipt be efuli so.