Ɛksodɔs 13:21 - EBƆRƐ BE KAWƆL

²¹ Karechɛ kikɛ Enyɛnpe Ebɔrɛ daa shin nɛ kuwɔlpa bee juŋkpar mbe basa kapaso nna nsaa shin nɛ edɛ be kabulpi malɛ bee juŋkpar bumo kanyɛso.

Ɛksodɔs 13:21 ပူးပေါင်းရင်းမြစ်များ

Nehemaya 9:12

B ka dii teku na be kaman, karechɛ kikɛ fo daa bɔla awɔlpa to nna a juŋkpar fo basa kapaso, nsaa bɔla edɛ be kabɔlpi so a juŋkpar a ŋini bumo ekpa kanyɛso.

Nehemaya 9:19

“Ŋkpal fo kuwɔrwu ka shi ga so fo daa ŋini bumo ekpa nna saŋkikɛ, fo alɛ daa maŋ yige bumo n lɛ keshishɛrsawule so. Fo daa bɔla kuwɔlpa so nna a ŋini bumo ekpa kapaso nsaa bɔla edɛ be kabɔlpi so a juŋkpar bumo kanyɛso.

Nshɛ 105:39

Ebɔrɛ daa bɔla kuwɔlpa so kapaso nɛ edɛ be kabulpi so kanyɛso nna a ŋini bumo ekpa ashi bumo be enite na to.

Nshɛ 68:7

Fo e sa fo basa kamooji, nseŋ juŋkpar bumo m bɔla keshishɛrsawule so,

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Nshɛ 78:14

E daa bɔla kuwɔlpa so nna a ŋini bumo ekpa kapaso, nseŋ daa bɔla edɛ be kabulpi so a ŋini bumo ekpa kanyɛso malɛ.

Nshɛ 99:7

E daŋ bɔla kuwɔlpa to nna m malga n sa Mosis nɛ Ɛɛrɔn; nɛ bumo alɛ daŋ wora mbe mbraana nɛ atande nɛ e ta n sa bumo na kasonu.

Ɛksodɔs 10:10

Ndoŋ nna nɛ ewura Fɛɛro kaŋɛ bumo: “Enyɛnpe Ebɔrɛ na e nɛfa menyi, ama men sa maŋ keta men be beche nɛ mbia bre n yɔ! Kashenteŋto, nɛ men wora loŋ kumo ere, nfɛra lubi ko e wɔ menyi to na.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Nɔmbɛs 10:34

Saŋkama nɛ b baŋ kaa keeyi to a yɔ malɛ, Enyɛnpe Ebɔrɛ be kuwɔlpa na daa parga nna a buu bumo so kapaso.

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Ditɛronɔmi 1:33

nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”