Ɛksodɔs 13:18 - EBƆRƐ BE KAWƆL

¹⁸ Amoso Ebɔrɛ daŋ juŋkpar bumo nna ŋ gelge m bɔla teku peper na be kaba so ashi keshishɛrsawule ko so. Israɛlebi na daŋ wora kena be shiriya nna pɔɛŋ nseŋ lar Ijipt.

Ɛksodɔs 13:18 ပူးပေါင်းရင်းမြစ်များ

Jɛnesis 50:25

Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

Nshɛ 107:7

Kumo be kaman nɛ e juŋkpar menyi tinini m ba chena kadegboŋ na to.

Nshɛ 136:16

Enyɛnpe Ebɔrɛ na e daŋ juŋkpar mbe basa keshishɛrsawule so na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 68:8

nɛ kasawule gbuŋgbuŋ nɛ bɔrɛ chulgi. Fo nawule e la Ebɔrɛ, nsaa tase kebee nɛ baa tre Sainai na so a ji kuwura.

Ɛksodɔs 12:51

Kumo be kamɔnchɛ malɛ kikɛ nɛ Enyɛnpe Ebɔrɛ lara Israɛl be basa kanaŋ kanaŋ so nɛ mbuna mbuna so ashi Ijipt to.

Ɛksodɔs 14:2

“Kaŋɛ Israɛlebi na fanɛ b bɛta kaman n ya yuu bumo be ewajɛbu Migdɔl nɛ teku na be kefɛato m mata Pihahirɔf ashi Baal Zefon be kaba ndoŋ dede.

Ɛksodɔs 14:9

Fɛɛro nɛ mbe benapo kikɛ daŋ ju nna m buu Israɛlebi na so, hale n ya kaa taga bumo to ashi kakpa nɛ b yuu bumo be ewajɛbu m mata teku na ashi Pihahirɔf nɛ k wɔ Baal Zefon be kaba ndoŋ na.

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

Ditɛronɔmi 32:10

E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.

Joshuwa 1:14

Menyi be beche nɛ mbia nɛ asɔbɔya e ba wɔ nfe nɛ bumo nɛ b la benapo nseŋ bela ase nɛ bumo be akɔsɔ kikɛ na e juŋkpar bumo niopibiana n ya chɛ bumo to ŋ kɔ

Joshuwa 4:12

Ruben nɛ Gad be kaman to ebi be benyɛn nɛ Manase malɛ be kaman to ebi be benyɛn be bargato nɛ b daŋ bela ase nɛ b ya kɔ kena na e daŋ juŋkpar n dii lɔr na fanɛ kananɛ Mosis daŋ kaŋɛ bumo na.

Joshuwa 4:13

Basa ŋgboŋ adena e daŋ bela ase n dii lɔr na n yɔ kepla nɛ Jɛriko tase so na nɛ b ya kɔ kena ashi Enyɛnpe Ebɔrɛ na be anishito.