Ɛksodɔs 13:17 - EBƆRƐ BE KAWƆL

¹⁷ Saŋɛ nɛ ewura Fɛɛro daŋ sa Israɛl be basa ekpa fanɛ b yɔ na, Ebɔrɛ daa maŋ juŋkpar bumo m bɔla ekpa shiimbi ashi Filistiebi be kasawule so, ŋkpal manɛ so, le nɛ Ebɔrɛ daŋ fɛ: “Nɛ Filistiebi kaŋ ya kre kena n tu bumo, baaŋ chɛrga bumo be nfɛra m bɛta n yɔ Ijipt.”

Ɛksodɔs 13:17 ပူးပေါင်းရင်းမြစ်များ

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Ashuŋ Shunso 15:38

Nɛ Pɔɔl yɛ loŋ maŋ daga, ŋkpal manɛ so, Jɔn Maak daa maŋ tu bumo n loge bumo be sososo be kushuŋ nɛ b daŋ ba to na nseŋ yili Pamfilia n yige bumo nseŋ bɛta n yɔ epe.

Ashuŋ Shunso 7:39

Ama an nanaana daŋ kini kenu n sa Mosis nseŋ kplaŋ mo so nseŋ naa yɛlga kenaŋ bɛta n yɔ Ijipt be efuli so.

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

Ditɛronɔmi 20:8

Ade be kaman, nɛ benimuana na e naŋ kaŋɛ benapo na le: “Esa ko wɔ nfe nɛ kagbenejija shin nɛ kufu pɛ mo a? Kumo ere e bɛta a yɔ epe. Nɛ mannɛ aloŋ e beeŋ ta kufu m pɛ benapo nɛ b ka na nɛ b pɔ aba.”

Ditɛronɔmi 28:68

N daŋ kaŋɛ menyi fanɛ men sa maŋ kaŋ bɛta n yɔ Ijipt be efuli so. Ama naniere Enyɛnpe Ebɔrɛ na gbagba beeŋ bɛta menyi n wɔtɔ nchu so be ekuloŋgboŋ to n yɔ Ijipt, nɛ men ya kaa sha kefa menyi be amu fanɛ anya nɛ esa kikɛ maaŋ tɔ menyi ndoŋ.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Demujipoana 7:3

Amoso kaŋɛ basa na le: Fo kama nɛ kufu kɔ fo, fo bɛta a yɔ epe. Anyi ere beeŋ baa wɔ kebee nɛ baa tre Giliad ere ase nfe.” Amoso basa ŋgboŋ alfa adunyɔ nɛ anyɔ e daŋ bɛta n yɔ epe nseŋ ka basa ŋgboŋ kudu Gidiɔn kutɔ.