Ɛksodɔs 13:16 - EBƆRƐ BE KAWƆL

¹⁶ Le be kejigboŋ ere malɛ beeŋ baa du fanɛ tɔɔnɛ be asɔ nɛ anyee kre a mata enɔ so ŋko nsɔto nna a nyiŋi anyi kananɛ Enyɛnpe ŋini eleŋ n lara anyi ashi Ijipt be efuli so.’ ”

Ɛksodɔs 13:16 ပူးပေါင်းရင်းမြစ်များ

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 136:11

Mo e daŋ juŋkpar Israɛlebi n lar Ijipt be efuli so na; mbe kasha nɛ k maa chɛrga na malɛ wɔtɔ nna mbaanaayɔ.

Ɛksodɔs 12:13

Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aŋasa 6:21

Shin nɛ bumo be mmalga e baa wɔ fo nfɛra to saŋkama fanɛ a ka la kubɔtoshembi a di fo na.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

Ditɛronɔmi 11:18

Men baa nyiŋi mbraana ere nseŋ ta amo n wɔtɔ menyi be nfɛra nɛ ŋgbene to. Men sibɛ amo n chɛ menyi be enɔana nɛ menyi be nsɔto nɛ a baa la kanyiŋi a sa menyi.

Ditɛronɔmi 26:8

nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.

Ditɛronɔmi 6:21

Ndoŋ nna nɛ men kaŋɛ bumo le: ‘An daa la Ijipt be ewura Fɛɛro be anya nna, ama Enyɛnpe Ebɔrɛ na ta mbe eleŋgboŋ ŋ kɔ n sɔ anyi n yige.

Demujipoana 2:12

B daŋ yige kebaabunyaŋ bumo tutoana be Ebɔrɛ nɛ e lara bumo Ijipt be efuli so m ba na nna, nsaa shuŋ basa nɛ b chena ŋ kulti bumo na be agbirana. Ndoŋ nna nɛ Enyɛnpe Ebɔrɛ na nya agbo n wɔtɔ bumo