Ɛksodɔs 13:15 - EBƆRƐ BE KAWƆL

¹⁵ Ama saŋɛ nɛ Fɛɛro daŋ wora kagbene kpakpaso ŋ kini keshin nɛ an yɔ na, Enyɛnpe Ebɔrɛ daŋ mɔ Ijipt be kasawule so be ewurkoŋnyɛn kikɛ nna, edimɛdi nɛ asɔbɔya kikɛ peya. Ŋkpal loŋ so nɛ an ta asɔbɔya be bibinyɛn juŋkparso kikɛ a lara sarga a sa Enyɛnpe Ebɔrɛ na nsaa shin nɛ anyi be ewurkoŋnyɛn malɛ kikɛ bee ki cheembi a wɔtɔ a sa mo na.

Ɛksodɔs 13:15 ပူးပေါင်းရင်းမြစ်များ

Nshɛ 105:36

Ade kikɛ nyam be kaman nɛ Ebɔrɛ shin nɛ Ijiptebi be ewurkoŋnyɛn kikɛ nyam wu.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 3:19

Ama n nyi Ijipt be ewura na ka maaŋ shin nɛ men yɔ, ama m baŋ ki mbe enɔ to nna pɔɛŋ nɛ e shuli.

Ɛksodɔs 34:20

Ama men ta kubolpɔbi n tal kurma bre peya to nɛ mannɛ aloŋ men bu kumo be kubɔ. Ama men be wurkoŋ nyɛnso bre, menyee tɔ bumo nna n yige. Men be ekama malɛ e sa maŋ kaŋ ta enɔfuloŋ m ba ma anishito m ba bunyaŋ ma.

Ɛksodɔs 4:23

Amoso nɛ n yɛ fo shin nɛ ma basa e yɔ n ya bunyaŋ ma na. Nɛ fo baŋ kini, kumo ere, meeŋ mɔ fo wurkoŋnyɛn.’ ”

Nɔmbɛs 18:15

Dimɛdi ŋko kusɔbɔya be wurkoŋ kama nɛ Israɛlebi na baaŋ ta n sa ma, la menyeya nna. Ama a daga men ka shuli nɛ b ka wurkoŋ kama nɛ kusɔbɔya be wurkoŋ kama nɛ k maŋ walɛ so daŋkare be ekpa so be kukɔ.

Nɔmbɛs 3:46

Ŋkpal Israɛlebi be ewurkoŋnyɛn ka shi a chɔ Livaiebi kikɛ na so, a daga b ka tɔ ewurkoŋnyɛn alfa anyɔ nɛ adushunu nɛ asa nɛ b chɔ so na ashi ma kutɔ.