Ɛksodɔs 12:9 - EBƆRƐ BE KAWƆL

⁹ Men saŋ maŋ kaŋ we eblaŋ na abumbuŋ ŋko n ta nchu n daŋɛ amo. Men tɔ amo nɛ amo be amu nɛ ayawɔrta nɛ apuntosɔ kikɛ edɛ to.

Ɛksodɔs 12:9 ပူးပေါင်းရင်းမြစ်များ

2 Kronikɛls 35:13

Livaiebi na daŋ tɔ kebansonchoŋ be kejigboŋ be esargablaŋ na edɛ to nna fanɛ kananɛ mbra na ŋini na gbagba chap, nseŋ chige amo manaŋ manaŋ n sa basa na. Mpuliya nɛ edadishani nɛ echeenshi nɛ b daŋ ta n daŋɛ eblaŋ nɛ a ka na bre.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 29:13

Kede be kaman nɛ men lara apuntosɔ be nfɔ na kikɛ ŋ ku kegberche na be kaseto be kaba nseŋ lara achɛbi anyɔ na nɛ amo be nfɔ kikɛ n chɔɔ bɔrɛsure na so n lara sarga n sa ma.

Ɛksodɔs 29:17

Kumo be kaman nɛ men kuya kpakpa na to wurwurbi nseŋ fɔr kumo be apuntosɔ nɛ ayawɔrta so nseŋ ta amo n deŋi kumu na nɛ eblaŋ kuyatoso na so

Nfabel 1:13

Enyɛnpe Ebɔrɛ na e shin nɛ ebesa shi esoso m ba luri anyi be eyurana to a chɔɔ fanɛ edɛ na. K du fanɛ e ka sho kejigbelɛ m pɛ anyi nɛ an tɔr kasawule nna. Kumo be kaman nɛ e yige anyi n wɔtɔ ebesa nɛ k maa yige to.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Ditɛronɔmi 16:7

Kumo be kaman nɛ men daŋɛ kumo n we ashi kakpa nɛ menyeeŋ baa shuŋ Ebɔrɛ na. Kumo be ŋklade kachipurso nɛ men bɛta n yɔ epe.