Ɛksodɔs 12:6 - EBƆRƐ BE KAWƆL

⁶ Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ɛksodɔs 12:6 ပူးပေါင်းရင်းမြစ်များ

2 Kronikɛls 35:1

Ewura Josaya daŋ yili kumo nna fanɛ b ji kebansonchoŋ be kejigboŋ na ashi Jerusalɛm m maŋkura Enyɛnpe Ebɔrɛ na; nɛ b mɔ kejigboŋ na be kubɔlpo na kufɔl sososo na be nchɛ kuduana na.

Ɛzra 6:19

Juwebi be kebɛta m ba na be kufɔl juŋkparso na to be nchɛ kudu ana na nɛ b ji kebansonchoŋ be kejigboŋ na.

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 12:17

Men baa wora bodobodo nɛ a maŋ kɔ yiisi na be kejigboŋ saŋkikɛ, ŋkpal manɛ so, kumo be kachɛ na nɛ n lara menyi be kanaŋ ashi Ijipt be kasawule so. Amoso, a daga fanɛ menyi be kaman to ebi kikɛ e baa nyiŋi loŋ be kachɛ ere nɛ k baa la fanɛ mbra n sa bumo mbaanaayɔ.

Ɛksodɔs 12:18

Kufɔl juŋkparso na be kachɛ kuduanasopo be kaaseso nɛ menyeeŋ fara a ji bodobodo nɛ k maŋ kɔ yiisi na hale n ya fo kumo be nchɛ adunyɔ nɛ kakosopo be kaaseso.

Ɛksodɔs 12:47

Israɛlebi kikɛ daga fanɛ b baa ji le be kejigboŋ ere nna.

Ɛksodɔs 16:1

B ka lar ljipt be kasawule so na be kufɔl nyɔsopo be kachɛ kuduanusopo na nɛ b lar Elim m pɛ kebee nɛ baa tre Sainai na be ekpa m ba fo Sin be keshishɛrsawule na so.

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 19:1

Ndoŋ nna nɛ Israɛlebi na lar Refidim. B ka daŋ lar Ijipt be kasawule so na be afɔl anyɔ nɛ b fo Sainai be keshishɛrsawule na so

Ɛksodɔs 29:39

Men ta kukoŋwule n lara sarga na kachipurso nseŋ ta kumo nɛ k ka malɛ n lara sarga kaaseso.

Ɛksodɔs 29:41

Kumo be kaman nɛ men naŋ ta kpakpafɔlbi nyɔsopo na nɛ asɔ nɛ men daŋ ta n ti chipurso peya na so na gbagba chap n ti so n chɔɔ n lara sarga kaaseso n sa ma. Loŋ be sarga chɔɔso na be efɛa bee wora ma, Enyɛnpe Ebɔrɛ na ebel ga.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Ezikɛl 45:21

Kufɔl juŋkparso na be kachɛ kuduanasopo na nɛ menyeeŋ fara Kebansonchoŋ be Kejigboŋ na be kesheŋ wora. Nchɛnshunu nɛ ekama beeŋ ta n ji bodobodo nɛ a maŋ kɔ yisi.

Levitikɔs 23:5

Kebansonchoŋ be kachɛ na la kachɛ nɛ menyeeŋ shɛr nna m bunyaŋ ma. K bee fara kufɔl juŋkparso na be kachɛ kudu ana na be kaaseso yululu nna.

Nɔmbɛs 28:16

Kufɔl juŋkparso na be kachɛ kuduanasopo kikɛ b baa ji kebansonchoŋ be kejigboŋ na a maŋkura Enyɛnpe Ebɔrɛ na.

Nɔmbɛs 28:18

Kachɛ juŋkparso nɛ baa ji kachɛgboŋ na, b sa maŋ shuŋ kushuŋ kikɛ ama b ba abar so m ba bunyaŋ Ebɔrɛ.

Nɔmbɛs 9:11

kumo ere b ji kumo kufɔl nyɔsopo na to be kachɛ kuduanasopo na be kaaseso. Kumo alɛ daga b ka ta bodobodo nɛ a maŋ kɔ yiisi nɛ afantaŋ nɛ a du kekra n ti kebansonchoŋ be kpakpafɔlbi na so nna ji n kumo.

Matiu 27:20

Ama bɔrɛmatapowuraana na nɛ benimuana na daŋ we n wɔtɔ jimaŋ na nna fanɛ b kule Pailat nɛ e lara Barabas n sa bumo nseŋ mɔ Yesu.

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”

Maak 15:1

Kare ka baŋ chɛ, nɛ bɔrɛmatapowuraana nɛ benimuana na nɛ mbraŋinipoana na nɛ Sanhedrinebi na kikɛ ya kre bumo be nia nseŋ ta ŋgbɛlɛbi ŋ kre Yesu n ta mo n lar n ya bɔɔ Gomena Pailat enɔ.

Maak 15:11

Ama bɔrɛmatapowuraana na we n wɔtɔ jimaŋ na nna fanɛ b kule Pailat nɛ e lara Barabas kabuti to n sa bumo ŋ ka Yesu.

Maak 15:25

Kachipurso kerfi akpanu nɛ b daŋ gbir mo m mata kedibi largato na so.

Maak 15:8

Jimaŋ na ka ba shɛr nɛ b fara a kule Pailat fanɛ e yaŋ wora kananɛ e chɛr a wora na, n lara esa ko ashi kabuti to.

Luuk 23:1

Ndoŋ nna nɛ nshɛrwuraana na kikɛ koso n yɛr Yesu Gomena Pailat kutɔ

Luuk 23:18

Nɛ bumo kikɛ ponte kɔnɔkoŋwuleso ŋ kaŋɛ le: “Lara mo basa to nseŋ lara Barabas kabuti to n sa anyi.”

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 3:14

Esa cheembi nɛ Esa Lela e daa la mo ama men kini mo nseŋ kule Pailat fanɛ e sɔ emɔpo n yige n sa menyi.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.