Ɛksodɔs 12:48 - EBƆRƐ BE KAWƆL

⁴⁸ Efɔ kama nɛ e ba tu menyi n chena nsaa sha fanɛ e ti menyi so n ji kumo m maŋkura Enyɛnpe na, k daga fanɛ mbe laŋ to be benyɛn kikɛ e ku atutu. Kumo be kaman pɔɛŋ nɛ loŋ be efɔ na e tiŋ n tu menyi n wora kejigboŋ na be aworbi fanɛ Israɛl be kadetobia, a daga fanɛ e ku kututu.

Ɛksodɔs 12:48 ပူးပေါင်းရင်းမြစ်များ

Jɛnesis 17:11

Men be katutuku na e naaŋ ki kɔnɔkoŋwule be ŋkre na be tɔɔnɛ a wɔ ma nɛ menyi be kefɛato.

Jɛnesis 17:12

K daga fanɛ menyi to be ebinyɛn kama nɛ e ji nchɛmburwa ka ku kututu. Enyɛn kikɛ nɛ e shi menyi be kanaŋ to daga e ka ku kututu.

Ɛksodɔs 12:19

Ŋkpal loŋ so kumo be nchɛnshunu na bre to k maŋ daga menyi be ekama kaa kɔ yiisi ashi mbe laŋ to kikɛ. Ekama, kadetobia ŋko efɔ, nɛ e baŋ ji ajibi kama nɛ a kɔ yiisi, meeŋ lara mo ashi Israɛl be basa to.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ezikɛl 14:7

Nɛ fanɛ Israɛl be esa ko ŋko efɔ ko nɛ e wɔ Israɛl be efuli so kini ma nseŋ ya kaa shuŋ agbir, kumo be kaman nɛ e yɔ anebi kutɔ n ya kaa fin ma kɔnɔ to be kamalga be kenu, ma Enyɛnpe Ebɔrɛ gbagba e naŋ tuge mo.

Ezikɛl 44:9

Amoso kusɔ nɛ ma, Enyɛnpetale Ebɔrɛ na, bee kaŋɛ e la fanɛ efɔ kama nɛ e maa ŋana Ebɔrɛ nsaa maa nu a sa ma maŋ daga keluri ma bɔrɛlambu to, hale efɔ nɛ e chena Israɛl be basa na to gba maŋ daga keluri kumo to.”

Ezikɛl 47:22

K beeŋ baa la menyi be kapetɛ hale mbaanaayɔ. Nɛ menyi bee chige kasawule na to, befɔ kama nɛ menyi nɛ bumo wɔtɔ nɛ b kurge mbia nfe na gba daga fanɛ b nya bumo be kachige. A daga fanɛ men baa wora bumo fanɛ Israɛl be ndetobia nseŋ shin nɛ bumo alɛ gba e baa tu Israɛl be eyiriana na a to beri a nya kasawule na be kachige.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Nɔmbɛs 9:14

Kadetobia ŋko efɔ kama nɛ e wɔ menyi to nsaa sha keji kebansonchoŋ be kejigboŋ na daga fanɛ e bɛ kumo be mbraana kikɛ so nɛnɛ nna n ji kumo.”

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.