Ɛksodɔs 12:40 - EBƆRƐ BE KAWƆL

⁴⁰ Nfɛ alfa ana nɛ adesa nɛ Israɛlebi na daŋ ji ashi Ijipt to.

Ɛksodɔs 12:40 ပူးပေါင်းရင်းမြစ်များ

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Ɛksodɔs 3:10

Amoso mee shuŋi fo Ijipt be ewura Fɛɛro kutɔ nna naniere nɛ fo ya lara ma basa Israɛlebi ashi efuli na so.”

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

Ashuŋ Shunso 7:6

Le nɛ Ebɔrɛ daŋ kaŋɛ mo: ‘Fo kaman to ebi beeŋ ba kaa wɔ efuli pɔtɛ ko so, kakpa nɛ baaŋ baa la anya nɛ b tɔrɔ bumo ga nfɛ alfa ana.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.