Ɛksodɔs 12:37 - EBƆRƐ BE KAWƆL

³⁷ Israɛlebi na daŋ ta ayaso nna n yili Rameses n ya fo Sukɔf. B daa sa fanɛ benyɛn ŋgboŋ alfa ashe nna. B daa maŋ karga beche nɛ mbia bre n ti so.

Ɛksodɔs 12:37 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

Jɛnesis 47:11

Ndoŋ nna nɛ Josɛf shin nɛ mo tuto nɛ mo daana chena Ijipt nɛ e sa bumo kasawule na so be kaboŋ lela a mata kadegboŋ nɛ baa tre Ramases ashi Goshen be kaba so fanɛ kananɛ ewura Fɛɛro daŋ kaŋɛ na.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 10:9

Nɛ Mosis kaŋɛ mo: “Anyi nɛ anyi be mbia nɛ anyi be mbolpɔ kikɛ e naa yɔ, ŋkpal manɛ so, anyee sha keya wora kejigboŋ nna n sa Enyɛnpe Ebɔrɛ na.”

Ɛksodɔs 13:20

Israɛlebi ka lar Sukɔf nɛ b yɔ Etam ashi keshishɛrsawule na be ekarso n ya yuu ewajɛbu n wora bumo be keeyi to ndoŋ.

Ɛksodɔs 38:26

Esa kama nɛ b daŋ karga kikɛ daŋ ka kukɔ nɛ b ku na nna. Bumo alɛ daa sa fanɛ basa ŋgboŋ alfa ashe nɛ asa nɛ alfa anu nɛ adunu nseŋ ji nfɛ adunyɔ ŋko m baŋ so nna.

Nɔmbɛs 1:2

“Fo nɛ Ɛɛrɔn e karga Israɛlebi na kikɛ, mbuna mbuna nɛ kanaŋ kanaŋ so nseŋ sibɛ benyɛn na kikɛ be atre.

Nɔmbɛs 11:21

Nɛ Mosis malɛ kaŋɛ Enyɛnpe Ebɔrɛ le: “Basa ŋgboŋ alfa ashe nɛ mee juŋkpar na nɛ fo kaŋɛ fanɛ feeŋ sa bumo eblaŋ nɛ b we kufɔl lelemu!

Nɔmbɛs 2:32

Fo baŋ ta Israɛlebi be benyɛn nɛ b fo kena to be keyɔ na kikɛ m ber abar so mbuna mbuna nɛ kananɛ b chena ntuŋso ntuŋso na kikɛ, b daa wɔ basa ŋgboŋ alfa ashe nɛ asa nɛ alfa anu nɛ adunu.

Nɔmbɛs 26:51

Israɛl be benyɛn kikɛ daa wɔ ŋgboŋ alfa ashe nɛ kako nɛ alfa ashunu nɛ adesa nna.

Nɔmbɛs 33:3

Kafɛ to be kufɔl juŋkparso be kachɛ kuduanusopo, kachɛ nɛ b juŋkpar n ji kebansonchoŋ be kejigboŋ na be ŋklade, nɛ Israɛlebi na daŋ lar Ijipt be efuli so. Enyɛnpe Ebɔrɛ daŋ kuŋ bumo nna nɛ b lar Rameses be kade to nɛ Ijiptebi na bee keni bumo nɛ baa yɔ.

Nɔmbɛs 33:5

Israɛlebi na ka lar Rameses nɛ b ya wora bumo be keeyi to ashi Sukɔf.