Ɛksodɔs 12:36 - EBƆRƐ BE KAWƆL

³⁶ Enyɛnpe Ebɔrɛ daŋ shin nɛ Israɛlebi na be asheŋ bɔlɔ Ijiptebi na kenishi nna nɛ b sa bumo kusɔ kama nɛ b daŋ kule bumo kikɛ. Loŋ be ekpa na so nɛ Israɛlebi na daŋ bɔla n sulɔ Ijiptebi na be asɔ damta n yɔ.

Ɛksodɔs 12:36 ပူးပေါင်းရင်းမြစ်များ

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

Ɛzra 1:6

Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Nshɛ 105:37

Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Ɛksodɔs 11:2

Amoso naniere ya malga n sa Israɛl be beche nɛ benyɛn fanɛ b kule ŋ kule bumo be bechenashapoana shuwa nɛ gbiti be abitasɔ.”

Ɛksodɔs 11:3

Ndoŋ nna nɛ Enyɛnpe Ebɔrɛ shin nɛ Ijiptebi na be ŋgbene pɛ Israɛlebi na ga nɛ ewura Fɛɛro be beyaasepo gba nɛ Ijipt be basa kikɛ fara a keni Mosis a bɔlɔ kenishi.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Danɛl 1:9

Ndoŋ nna nɛ Ebɔrɛ shin nɛ Danɛl be asheŋ pɛ Ashpenaaz kuwɔr.

Ashuŋ Shunso 2:47

Bumo be asheŋ daŋ bɔlɔ kade na to ebi kikɛ kenishi ga. Karechɛ kama malɛ Enyɛnpe Yesu daa mɔlga basa pɔtɛ nna a ti bumo so.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.