Ɛksodɔs 12:31 - EBƆRƐ BE KAWƆL

³¹ Epul na to nɛ Fɛɛro shuŋi n tre Mosis nɛ Ɛɛrɔn kanyɛso na kikɛ nseŋ kaŋɛ bumo: “Men bela n lar ma efuli so, menyi nɛ Israɛlebi nɛ b wɔ nfe na kikɛ. Men baa yɔ n ya bunyaŋ Enyɛnpe Ebɔrɛ na fanɛ kananɛ men kule ma na.

Ɛksodɔs 12:31 ပူးပေါင်းရင်းမြစ်များ

Nshɛ 105:38

Jemanɛ nɛ b lar a yɔ na, Ijiptebi na be ŋgbene daŋ fuli bumo nna, ŋkpal manɛ so, kufu daŋ pɛ bumo nna.

Ɛksodɔs 10:29

Ndoŋ nna nɛ Mosis kaŋɛ mo: “To, k nyalɛ. Fo ka baŋ kaŋɛ le ere, m maaŋ naŋ ba fo anishito kikɛ.”

Ɛksodɔs 10:9

Nɛ Mosis kaŋɛ mo: “Anyi nɛ anyi be mbia nɛ anyi be mbolpɔ kikɛ e naa yɔ, ŋkpal manɛ so, anyee sha keya wora kejigboŋ nna n sa Enyɛnpe Ebɔrɛ na.”

Ɛksodɔs 11:1

Ade kikɛ be kaman nɛ Enyɛnpe Ebɔrɛ kaŋɛ Mosis le: “Ŋ kraa beeŋ bar aleblawu koŋwule ewura Fɛɛro nɛ Ijiptebi so. Kumo ere be kaman e beeŋ shin nɛ men yɔ. E beeŋ ju menyi gba kuraa n lar mbe efuli so.

Ɛksodɔs 11:8

Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 12:39

Ndoŋ nna nɛ b ta bodobodo nɛ a maŋ kɔ yiisi be kubuu nɛ b gbiti n shi Ijipt na n wora bodobodo. Ŋkpal b ka daŋ ju bumo fanɛ b lar Ijipt to manaŋ na so, b daa maŋ naŋ nya saŋɛ nɛ b wɔtɔ amo yiisi ŋko n naŋ wora ajibi kama n ti so.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 8:25

Kumo be kaman nɛ Fɛɛro shuŋi n tre Mosis nɛ Ɛɛrɔn ŋ kaŋɛ bumo le: “Men yɔ n ya lara sarga na n sa menyi be Ebɔrɛ ashi Ijipt be kasawule ere so nfe.”

Ɛksodɔs 8:8

Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

1 Samuɛl 6:6

Men sa maŋ kaŋ wora men be ŋgbene kpakpa fanɛ Ijiptebi na nɛ bumo be ewura. Dra na Ebɔrɛ be kasogberge gboŋgboŋi daŋ ba bumo so nna pɔɛŋ nɛ b sa Israɛlebi na ekpa nɛ b lar Ijipt to.