Ɛksodɔs 12:30 - EBƆRƐ BE KAWƆL

³⁰ Kumo be kanyɛ na nɛ ewura Fɛɛro nɛ mbe beyaasepo nɛ Ijipt be basa kikɛ koso a boŋ to a shu awɔrso kaplɛkama, ŋkpal manɛ so, laŋ kama daa maŋ wɔ Ijipt to nɛ esa maŋ wu kumo to.

Ɛksodɔs 12:30 ပူးပေါင်းရင်းမြစ်များ

Nshɛ 78:50

E daa maŋ pɛ mbe kagbene ashi mbe agbo na to, ŋko n yige m paŋ bumo nɛ b ji efute kikɛ. E daŋ mɔ bumo nna n shin nɛ kenishi pere bumo.

Ɛksodɔs 10:10

Ndoŋ nna nɛ ewura Fɛɛro kaŋɛ bumo: “Enyɛnpe Ebɔrɛ na e nɛfa menyi, ama men sa maŋ keta men be beche nɛ mbia bre n yɔ! Kashenteŋto, nɛ men wora loŋ kumo ere, nfɛra lubi ko e wɔ menyi to na.

Ɛksodɔs 11:6

Ijipt be kaba so kikɛ nyam, basa beeŋ baa boŋ to a shu. B maŋ naŋ shu loŋ be kushu ashi Ijipt be kasawule so kikɛ, bumo alɛ maaŋ naŋ shu loŋ be kushu kikɛ.

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Eemɔs 5:17

Basa beeŋ baa boŋ to a shu ashi asɔrso nɛ baa tre greep na be ndɔana kikɛ to. Ade kikɛ malɛ beeŋ wora nna ŋkpal ma kasogberge ka bee ba menyi so so.” Enyɛnpe Ebɔrɛ na e malga na.

Habakuk 3:5

Fo e naa shuŋi kulɔ nɛ e bee juŋkpar, nsaa ponte luwu so nɛ k bee bɛ kumo so na.

Matiu 25:6

Kiidiso ka ya fo nɛ b nu basa ka bee tre a kaŋɛ: ‘Kijafɔ mo kul na nde. Men baa ba m ba tu mo.’

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

1 Samuɛl 5:12

Achuubɔbɔ daŋ pɛ kade na to be basa kikɛ nna ama bumo be bumo nɛ achuubɔbɔ na daa maŋ mɔ na daa shu a tre bumo be agbirana nna fanɛ a ba mɔlga bumo.