Ɛksodɔs 12:22 - EBƆRƐ BE KAWƆL

²² Men ta echeenshi n suse n suse ŋklaŋ na nseŋ ta keche n nyɔ amo to ŋ gbiti ŋ gbiti menyi be mbuna be akel to nɛ esoso kikɛ. Kumo be kaman ekama e sa maŋ kaŋ naŋ lar kowu kikɛ hale nɛ kare e ya chɛ kachipurso.

Ɛksodɔs 12:22 ပူးပေါင်းရင်းမြစ်များ

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Ɛksodɔs 12:7

Kumo be kaman nɛ men ta amo be ŋklaŋ na be ako ŋ gbiti ŋ gbiti men be ebuana nɛ menyeeŋ chena to n we n we eblaŋ na be akuloŋ be mbuna be akel to nɛ amo be awɔlto.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Nɔmbɛs 19:18

Nɛ esa nɛ e walɛ so daŋkare be ekpa so, e ta kedibi nɛ baa tre hisɔp be keyabi n nyɔ nchu na to ŋ ŋmenyaŋ ŋ ŋmenyaŋ wajɛbu na nɛ kusɔ kama nɛ k wɔ kumo to na, nɛ basa nɛ b daa wɔ ndoŋ na kikɛ so. Loŋ koŋwule nɛ baaŋ wora esa kama nɛ e beta dimɛdi be kuwibi ŋko kebuni ŋko nchaŋ.

Matiu 26:30

Kede be kaman nɛ b boŋ kashɛ nseŋ lar n yɔ Ɔlifs be kebee so.

Hibruwebi 11:28

Yirda so nɛ e daŋ fara Kebansonchoŋ be kejigboŋ nseŋ daŋ shin nɛ b ta ŋklaŋ ŋ gbiti mbunaana nɛ malaika murpo na e sa maŋ beta Israɛlebi be kowu kama to be kebinyɛnbi juŋkparso na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 9:1

To, sososo be kɔnɔkoŋwule be ŋkre na gba daa kɔ kumo be atande nna nɛ basa daa bɔla so a bunyaŋ Ebɔrɛ nseŋ daŋ naa kɔ kasawule so be kakpa cheembi.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so

Joshuwa 2:19

Ama men be ekama nɛ e kaŋ lar fo laŋ to nɛ b mɔ mo bre, k maaŋ baa la anyi be asheŋ. Ekama nɛ e ŋana fo laŋ to bre kaŋ baŋ, wu kumo ere mbe turju e baa bɛ anyi.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.