Ɛksodɔs 12:17 - EBƆRƐ BE KAWƆL

¹⁷ Men baa wora bodobodo nɛ a maŋ kɔ yiisi na be kejigboŋ saŋkikɛ, ŋkpal manɛ so, kumo be kachɛ na nɛ n lara menyi be kanaŋ ashi Ijipt be kasawule so. Amoso, a daga fanɛ menyi be kaman to ebi kikɛ e baa nyiŋi loŋ be kachɛ ere nɛ k baa la fanɛ mbra n sa bumo mbaanaayɔ.

Ɛksodɔs 12:17 ပူးပေါင်းရင်းမြစ်များ

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 12:24

Men ta le be kesheŋ ere ŋ ki mbra n sa menyi be amu nɛ menyi be kaman to ebi kikɛ mbaanaayɔ.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 12:6

Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ɛksodɔs 13:10

Kumo so, kafɛ kikɛ saŋɛ ere so, men baa nyiŋi a wora le be kejigboŋ ere.

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 13:8

Kachɛ shunusopo na nɛ ekama e kaŋɛ mbe mbia fanɛ e bee wora le be kesheŋ ere nna a nyiŋi kusɔ nɛ Enyɛnpe Ebɔrɛ wora n sa mo, saŋɛ nɛ e lar Ijipt to na.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Ɛksodɔs 6:26

To, loŋ be Ɛɛrɔn ere gbagba nɛ Mosis e daa la basa nɛ Enyɛnpe Ebɔrɛ daŋ kaŋɛ le na: “Men ya lara Israɛl be basa kanaŋ kanaŋ so ashi Ijipt be kasawule so.”

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Ditɛronɔmi 16:3

Nɛ menyi baa ji Kebansonchoŋ be kachɛgboŋ be ajibi na, men sa maŋ kaŋ ta bodobodo nɛ yiisi wɔ amo to n ti so n ji. Nchɛnshunu nɛ menyee ji bodobodo nɛ a maŋ kɔ yiisi amo to fanɛ kananɛ men daŋ wora jemanɛ nɛ k daŋ ba fanɛ men nya manaŋ n lar Ijipt be efuli so na. Menyeeŋ baa we le be bodobodo nna saŋɛ na so menyeeŋ baa nyiŋi kachɛ nɛ men ta n lar Ijipt be efuli nɛ k daa la awurfoŋ be kaboŋ n sa menyi na so. Baaŋ baa tre bodobodo na ‘awurfoŋ be bodobodo’.