Ɛksodɔs 12:16 - EBƆRƐ BE KAWƆL

¹⁶ Men ta kachɛ sososo na nɛ kachɛ shunusopo na n shɛr n shuŋ Ebɔrɛ. Loŋ be nchɛ na, ekama e sa maŋ kaŋ shuŋ kushuŋ kikɛ, ama menyeeŋ tiŋ n daŋɛ ajibi bre kanaŋkamaso nɛ ekama beeŋ tiŋ n ji.

Ɛksodɔs 12:16 ပူးပေါင်းရင်းမြစ်များ

Ɛksodɔs 16:23

Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 16:29

Keni! Men nyiŋi fanɛ ma, Enyɛnpe Ebɔrɛ na e sa menyi kewushiachɛ na, amoso nɛ kachɛ shesopo na mee sa menyi be ekama nchɛnnyɔ be ajibi na. Kachɛ shunusopo na, ekama e shir a wɔ mbe laŋ to. Esa kama e sa maŋ lar kowu kikɛ.”

Ɛksodɔs 16:5

Ama kachɛ shesopo na bre, b muu nchɛnnyɔ be ajibi n daŋɛ amo m barga amo to ntuŋ anyɔ ŋkpal b ka maaŋ muu amo kachɛ shunusopo na so.”

Ɛksodɔs 20:10

Kachɛ shunusopo na bre la ewushi be kachɛ nna n sa Enyɛnpe Ebɔrɛ men be Ebɔrɛ na. Kumo be kachɛ na bre menyi nɛ men be bibinyɛn nɛ bibiche nɛ anya nyɛnso nɛ becheso nɛ asɔbɔya dɔso nɛ befɔ nɛ b wɔ men be nde to kikɛ, maŋ daga fanɛ b shuŋ kushuŋ kikɛ.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 23:35

Men shɛr kachɛ sososo na m bunyaŋ Ebɔrɛ nsaa maŋ kaŋ shuŋ menyi gbagba be ashuŋana be kekama.

Nɔmbɛs 28:18

Kachɛ juŋkparso nɛ baa ji kachɛgboŋ na, b sa maŋ shuŋ kushuŋ kikɛ ama b ba abar so m ba bunyaŋ Ebɔrɛ.

Nɔmbɛs 28:25

Men shɛr abar so kachɛ shunusopo na m bunyaŋ Enyɛnpe Ebɔrɛ. Menyi alɛ e sa maŋ kaŋ shuŋ kushuŋ kikɛ kumo be kamɔnchɛ.

Nɔmbɛs 28:26

A daga fanɛ men be ekama ka wushi ashi mbe ashuŋ to kasɔteŋi be kachɛgboŋ na be kachɛ juŋkparso, nseŋ ta mbe ayu popɔr be sarga m ba sa Enyɛnpe Ebɔrɛ na, nseŋ shɛr abar so m bunyaŋ mo.

Nɔmbɛs 29:1

“Kufɔl shunusopo to be kachɛ juŋkparso na, ekama e sa maŋ shuŋ kushuŋ kikɛ. Men shɛr n foŋ mbel m bunyaŋ Enyɛnpe Ebɔrɛ kumo be kamɔnchɛ.

Nɔmbɛs 29:12

Men shɛr kufɔl shunusopo na be kachɛ kuduanusopo na n ji kachɛgboŋ m bɛ abar so nchɛnshunu m maŋkura Enyɛnpe Ebɔrɛ. Men sa maŋ shuŋ kushuŋ kikɛ loŋ be kachɛ na.

Baru lela nɛ Jɔn kute na 19:31

Kumo be kachɛ na daa la Kebelaseachɛ nna nɛ kumo be ŋklade malɛ daa la Kewushiachɛgboŋ ko. Ŋkpal Juwebi na malɛ ka daa maa sha basa nɛ b daŋ gbir m mata ndibi na so be eyurana na ka shir a wɔ ndibi largatoana na so ŋkpal kewushiachɛ na so, b daŋ ya kaŋɛ Pailat nna fanɛ e shin nɛ b buri m buri basa na be aya nseŋ lara n lara bumo be eyurana na ndibi largatoana na so.

Ditɛronɔmi 16:8

Nchɛnshe nɛ menyee we bodobodo nɛ a maŋ kɔ yiisi, kachɛ shunusopo na nɛ men shɛr m bunyaŋ Enyɛnpe menyi be Ebɔrɛ na. Menyi alɛ e sa maŋ kaŋ shuŋ shɛŋ loŋ be kachɛ na.