Ɛksodɔs 12:15 - EBƆRƐ BE KAWƆL

¹⁵ Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:15 ပူးပေါင်းရင်းမြစ်များ

Jɛnesis 17:14

Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

2 Kronikɛls 30:21

Basa nɛ b daŋ ba shɛr Jerusalɛm na daŋ ta nchɛ ashunu nna n ji bodobodo nɛ a maŋ kɔ yiisi be kejigboŋ na kagbenefuliso nɛ Livaiebi na nɛ bɔrɛmatapoana na bee boŋ nshɛ nsaa laŋ alaŋsɔ a di Enyɛnpe Ebɔrɛ epaŋ karechɛ kikɛ.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 23:15

Men baa wora bodobodo nɛ a maŋ kɔ yiisi na be kejigboŋ nchɛ ashunu kananɛ ŋ ŋini menyi na, Abib be kufɔl nɛ men daŋ lar kumo to ashi Ijipt be kasawule so na to. Loŋ be nchɛnshunu na to ekama e sa maŋ kaŋ ji bodobodo nɛ b ta yiisi n wora. Ekama malɛ e sa maŋ kaŋ ta enɔfuloŋ m ba ma anishito, ama e bar kusɔ ko m ba lara sarga n sa ma.

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Ɛksodɔs 30:38

Esa kama nɛ e kpal amo be efɛa belbelso so n wora amo be kaduli, daga fanɛ b lara mo ashi mbe basa to.”

Ɛksodɔs 31:14

Men baa bɛ loŋ be kewushiachɛ na be daŋkare so nsaa ta kumo fanɛ kachɛ cheembi. A daga b ka mɔ esa kama nɛ e kini kebɛ kumo so nseŋ shuŋ kumo be kamɔnchɛ.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Ɛksodɔs 34:25

Men sa maŋ kaŋ ta kusɔ kama nɛ k kɔ yiisi n ti kusɔbɔya so n lara sarga n sa ma. Menyi alɛ e sa maŋ kaŋ shin nɛ Kebansonchoŋ be Kejigboŋ be kusɔbɔya be eblaŋ kama e yili ŋklade.

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Levitikɔs 17:14

Kusɔ keniso kikɛ be ŋkpa wɔ kumo be ŋklaŋ to nna, amoso nɛ Enyɛnpe Ebɔrɛ na kaŋɛ Israɛl be basa na fanɛ b sa maŋ kaŋ ji eblaŋ nɛ ŋklaŋ kraa wɔ kumo to na. Esa kama malɛ nɛ e ji loŋ be eblaŋ maŋ naŋ ti mbe basa so.

Malakai 2:12

Enyɛnpe Ebɔrɛ na e lara le be basa ere ashi Israɛlebi to, nsaa maŋ shin nɛ b ti bumo so m ba lara sarga nɛ efuli na kikɛ bee lara a sa mo Enyɛnpetale na.

Nɔmbɛs 28:17

Nseŋ yili kufɔl na be kachɛ kuduanusopo n ji kachɛgboŋ na m bɛ abar so nchɛ ashunu nsaa ji bodobodo nɛ a maŋ kɔ yiisi loŋ be nchɛ na.

Nɔmbɛs 9:13

Ama nɛ fanɛ esa walɛ so daŋkare be ekpa so mo alɛ nsaa maa wɔ enite to nseŋ kini kebansonchoŋ be kejigboŋ na be keji, kumo ere m maŋ naa ber mo a ti ma basa so, ŋkpal e ka kini kelara sarga n sa ma saŋɛ nɛ k daga so. Mo alɛ beeŋ nya mbe kulubi be kasogberge

Matiu 16:12

Kede be kaman pɔɛŋ nɛ bebɛsopo na pin fanɛ e daa maa kaŋɛ bumo nna fanɛ b baa de yiisi mo nɛ b kɔ a wora bodobodo na so, ama Efarisiana nɛ Esadusiana na be asheŋ ŋiniso nɛ e daa de.

Luuk 12:1

Basa ŋgboŋ damta ko ka shɛr ndoŋ hale n ya kaa chichi abar so nɛ Yesu fara a kaŋɛ mbe bebɛsopo le: “Men baa de Efarisiana na be yiisi so, kumo e la fanɛ bumo be kebirkɔnshi be asheŋ.

Luuk 2:43

Kejigboŋ na be jemanɛ ka ba choŋ nɛ b bɛta m pɛ epe be ekpa. Ama bumo alɛ daa maŋ nyi Yesu ka kraa wɔ Jerusalɛm to.

Ashuŋ Shunso 12:3

E ka pin fanɛ k par Juwebi na nɛ e naŋ shin nɛ b pɛ Pita malɛ. Kejigboŋ nɛ baa tre Bodobodo nɛ a maŋ kɔ yiisi be Kejigboŋ na be jemanɛ nɛ e daŋ wora kumo.

Galeeshaebi 5:12

Alako basa nɛ baa tɔrɔ menyi ere daa beeŋ baŋ ku bumo be atutu kikɛ gba nna n lɛ kuraa.

Ditɛronɔmi 16:3

Nɛ menyi baa ji Kebansonchoŋ be kachɛgboŋ be ajibi na, men sa maŋ kaŋ ta bodobodo nɛ yiisi wɔ amo to n ti so n ji. Nchɛnshunu nɛ menyee ji bodobodo nɛ a maŋ kɔ yiisi amo to fanɛ kananɛ men daŋ wora jemanɛ nɛ k daŋ ba fanɛ men nya manaŋ n lar Ijipt be efuli so na. Menyeeŋ baa we le be bodobodo nna saŋɛ na so menyeeŋ baa nyiŋi kachɛ nɛ men ta n lar Ijipt be efuli nɛ k daa la awurfoŋ be kaboŋ n sa menyi na so. Baaŋ baa tre bodobodo na ‘awurfoŋ be bodobodo’.

Ditɛronɔmi 16:5

Men sa maŋ kaŋ mɔ kebansonchoŋ be kusɔbɔya na n lara sarga ashi kade kama nɛ menyeeŋ baa wɔ na to.

Ditɛronɔmi 16:8

Nchɛnshe nɛ menyee we bodobodo nɛ a maŋ kɔ yiisi, kachɛ shunusopo na nɛ men shɛr m bunyaŋ Enyɛnpe menyi be Ebɔrɛ na. Menyi alɛ e sa maŋ kaŋ shuŋ shɛŋ loŋ be kachɛ na.