Ɛksodɔs 12:14 - EBƆRƐ BE KAWƆL

¹⁴ “A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 12:14 ပူးပေါင်းရင်းမြစ်များ

2 Bewura 23:21

Ewura Josaya daŋ kaŋɛ Juda be efuli so ebi na nna fanɛ b baa ji kebansonchoŋ be kejigboŋ na nsaa maŋkura bumo Nyɛnpe bumo be Ebɔrɛ na fanɛ kananɛ mbra be kawɔl kaŋɛ na gbagba chap.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 135:13

O Enyɛnpe Ebɔrɛ, fo ketre wɔtɔ nna mbaanaayɔ, kekurgeto kikɛ to be basa beeŋ baa nyiŋi kumo.

Ɛksodɔs 12:17

Men baa wora bodobodo nɛ a maŋ kɔ yiisi na be kejigboŋ saŋkikɛ, ŋkpal manɛ so, kumo be kachɛ na nɛ n lara menyi be kanaŋ ashi Ijipt be kasawule so. Amoso, a daga fanɛ menyi be kaman to ebi kikɛ e baa nyiŋi loŋ be kachɛ ere nɛ k baa la fanɛ mbra n sa bumo mbaanaayɔ.

Ɛksodɔs 12:24

Men ta le be kesheŋ ere ŋ ki mbra n sa menyi be amu nɛ menyi be kaman to ebi kikɛ mbaanaayɔ.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ɛksodɔs 12:6

Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ɛksodɔs 23:15

Men baa wora bodobodo nɛ a maŋ kɔ yiisi na be kejigboŋ nchɛ ashunu kananɛ ŋ ŋini menyi na, Abib be kufɔl nɛ men daŋ lar kumo to ashi Ijipt be kasawule so na to. Loŋ be nchɛnshunu na to ekama e sa maŋ kaŋ ji bodobodo nɛ b ta yiisi n wora. Ekama malɛ e sa maŋ kaŋ ta enɔfuloŋ m ba ma anishito, ama e bar kusɔ ko m ba lara sarga n sa ma.

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 5:1

Ade kikɛ be kaman nɛ Mosis nɛ Ɛɛrɔn yɔ Ijipt be ewura Fɛɛro kutɔ n ya kaŋɛ mo le: “Enyɛnpe Ebɔrɛ nɛ e la Israɛlebi be Ebɔrɛ na yɛ: ‘Shin nɛ ma basa e yɔ n ya wora kejigboŋ m bunyaŋ ma ashi keshishɛrsawule na so.’ ”

Ezikɛl 46:14

Menyi alɛ kraa beeŋ bar nyifu lela fanɛ kurwa anu nɛ ɔlifs be ŋku kɔlba nɛ barga kachipurso kikɛ m ba lara ajibi be sarga. Kebaa lara le be esarga ere a sa Enyɛnpe Ebɔrɛ na be mbraana ere baa wɔtɔ nna a yɔ, a maa chɛrga kikɛ.

Levitikɔs 23:6

Ebodobodo nɛ a maŋ kɔ yiisi na be Kachɛgboŋ na malɛ bee fara kufɔl na be nchɛ kuduanu nna. Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora.

Zakareya 6:14

Kuwurwuro na beeŋ baa la kanyiŋi be kusɔ bɔrɛlambu na to n sa Heldai nɛ Tobija nɛ Jedaya nɛ Josaya nɛ e la Zefanaiya pibinyɛn na.”

Nɔmbɛs 10:8

Ɛɛrɔn be kanaŋ to ebi be mbinyɛnsobiana nɛ b la bɔrɛmatapoana e daga fanɛ b baa foŋ mbel na. Loŋ malɛ nɛ k beeŋ ba la hale mbaanaayɔ.

Nɔmbɛs 15:15

Mbra ere dese nna n sa menyi Israɛlebi nɛ men la ndetobia na nɛ befɔ nɛ b chena menyi to na kikɛ hale mbaanaayɔ. Sarga be kelara bre be kaplɛa so, menyi nɛ bumo kikɛ la kukoŋwule nna ashi Enyɛnpe Ebɔrɛ na be anishito,

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 18:8

Kede be kaman nɛ Enyɛnpe Ebɔrɛ naŋ kaŋɛ Ɛɛrɔn le: “Baa nyiŋi fanɛ sarga nɛ b maaŋ chɔɔ a sa ma na la fo nɛ fo kaman to ebi peya nna mbaanaayɔ.

Matiu 26:13

Ma e kaŋɛ menyi kashenteŋto na fanɛ kaplɛkama nɛ b bɔ baru lela na durnya ere kikɛ to, baaŋ malga kusɔ nɛ e wora ere be asheŋ n nyiŋi mo.”

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

Ditɛronɔmi 16:1

Israɛl be basa, a daga fanɛ men baa ji Kebansonchoŋ be kachɛgboŋ na kufɔl nɛ baa tre ‘Abib’ na to, ŋkpal manɛ so nfɛ nɛ a choŋ na, loŋ be kufɔl na be kanyɛso ko nɛ Enyɛnpe menyi be Ebɔrɛ na kɔ m mɔlga menyi ashi Ijipt be efuli so. ‘Abib’ e la Hibruwebi be sososo be kufɔl ashi bumo be kafɛ to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 6:8

Men baa kre amo menyi be mbre so nsaa chɛ amo a mata menyi be nsɔto nɛ e baa la kanyiŋi n sa menyi.

Joshuwa 4:7

nɛ men kaŋɛ bumo fanɛ Enyɛnpe be ŋkre be deka na ka daŋ bɔla Jɔɔdan be lɔr na to na nɛ k ku to anyɔ. Ajembu ere e la shɛda a nyiŋi anyi kusɔ nɛ k wora nfe ere mbaanaayɔ.”

1 Samuɛl 30:25

Amoso Deevid daŋ yili kumo fanɛ mbra nna n sa Israɛlebi na, nɛ bumo alɛ bɛ kumo so hale m ba fo nɛ mbre.