Ɛksodɔs 12:13 - EBƆRƐ BE KAWƆL

¹³ Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Ɛksodɔs 12:13 ပူးပေါင်းရင်းမြစ်များ

Jɛnesis 17:11

Men be katutuku na e naaŋ ki kɔnɔkoŋwule be ŋkre na be tɔɔnɛ a wɔ ma nɛ menyi be kefɛato.

Ɛksodɔs 12:11

Kusɔ nɛ menyeeŋ wora nde: Men ta men be asɔbuusoana m buu nseŋ kre to kpakpa n ta men be asɛbtaana n wɔtɔ, nseŋ ta men be akpabi malɛ ŋ keta. Men we eblaŋ na malɛ manaŋ manaŋ, ŋkpal manɛ so, k la kebansonchoŋ be kejigboŋ nɛ k bee maŋkura ma, Enyɛnpe Ebɔrɛ na nna.

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Ɛksodɔs 12:7

Kumo be kaman nɛ men ta amo be ŋklaŋ na be ako ŋ gbiti ŋ gbiti men be ebuana nɛ menyeeŋ chena to n we n we eblaŋ na be akuloŋ be mbuna be akel to nɛ amo be awɔlto.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

Hibruwebi 11:28

Yirda so nɛ e daŋ fara Kebansonchoŋ be kejigboŋ nseŋ daŋ shin nɛ b ta ŋklaŋ ŋ gbiti mbunaana nɛ malaika murpo na e sa maŋ beta Israɛlebi be kowu kama to be kebinyɛnbi juŋkparso na.

Joshuwa 2:12

Amoso men jande, men nase kɔnɔ n sa ma nseŋ bɔ ntaŋ Enyɛnpe Ebɔrɛ na be ketre to fanɛ menyeeŋ wora ma nɛ ma kanaŋ kikɛ kelela, ŋkpal ŋ ka wora menyi kelela so.

Joshuwa 2:18

Ama, an kaŋ bɛta m ba nɛ an ba kɔ menyi be efuli so ebi kena fo ta efɔl peper ere n cha fo tokuro nɛ anyeeŋ bɔla kumo to n lar na. Kumo be kaman nɛ fo bar fo tuto nɛ fo nio nɛ fo siponyɛnana nɛ fo kanaŋ kikɛ fo laŋ to.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.