Ɛksodɔs 12:12 - EBƆRƐ BE KAWƆL

¹² Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 12:12 ပူးပေါင်းရင်းမြစ်များ

1 Kronikɛls 14:12

Filistiebi be benapo na ka shile n yige bumo be agbir na nɛ Deevid kaŋɛ mbe benapo na fanɛ b ya chɔɔ amo.

Nshɛ 135:8

Enyɛnpe Ebɔrɛ na e daŋ mɔ Ijipt be efuli so be ewurkoŋ nɛ asɔbɔya be bibi juŋkparso kikɛ na.

Nshɛ 82:1

Ebɔrɛ e naa juŋkpar ebɔrɛso be nshɛrgboŋ na; mo e naa ji agbirana na demu a kaŋɛ amo le:

Nshɛ 82:6

Ma, Enyɛnpetale Ebɔrɛ na e kaŋɛ fanɛ men kikɛ la agbirana nna nsaa la ŋ gbagba be asɔ toso.

Nshɛ 91:7

Basa kagboŋ beeŋ tiŋ n wu n dese fo kekel ko so, nɛ ŋgboŋ kudu e wu n dese fo jisoso, ama shɛŋ maaŋ wora fo ere.

Nshɛ 95:3

Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Ɛksodɔs 21:6

kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

Ɛksodɔs 22:28

Ekama e sa maŋ kaŋ malga ŋ gbiti Ebɔrɛ ŋko n shoduu menyi to be ejuŋkparpo.

Ɛksodɔs 6:2

Ebɔrɛ ka kaŋɛ loŋ n loge na nɛ e naŋ kaŋɛ Mosis le: “Ma e la Enyɛnpe Ebɔrɛ na.

Ɛksodɔs 9:6

Kumo be ŋklade nɛ Enyɛnpe Ebɔrɛ wora loŋ be kesheŋ na fanɛ kananɛ e kaŋɛ na nɛ Ijiptebi be asɔbɔya kikɛ kuraa wu, ama Israɛlebi na bre be kusɔbɔya koŋwule gba daa maŋ wu.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Jɛremaya 43:12

Meeŋ shin nɛ Ijipt be agbirlambuana e ji edɛ nɛ Babilɔn be ewura e chɔɔ agbirana na be ako nseŋ sulɔ ako malɛ n yɔ. Kananɛ mbolpɔkpapo bee gbaŋ gbaŋ mbe piŋi to a buu nɛ shɛŋ maa nya mo n duŋ kumo to na aloŋ nɛ e beeŋ gbaŋgbaŋ Ijipt to fanɛ piŋi nseŋ lar n choŋ nɛ shɛŋ maaŋ wora mo.

Jɛremaya 43:13

Babilɔn be ewura beeŋ mur kegbirlambu nɛ baa shuŋ epeŋi kumo to ashi kadegboŋ nɛ baa tre Hiliopolis ashi Ijipt be efuli so na nseŋ chɔɔ Ijipt be agbirana be elambuana kikɛ.”

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Ezikɛl 12:16

Ama meeŋ shin nɛ bumo be gbrɛbi ko e ji efute ashi kena nɛ akoŋ nɛ alɔ na to, saŋɛ na so baaŋ pin kananɛ bumo be ekishisheŋ nɛ b wora na be asheŋ daŋ nu ma agbo ga, nseŋ naŋ pin fanɛ ma e la Enyɛnpe Ebɔrɛ na nseŋ shuŋ ma ashi efuli pɔtɛana na so.’ ”

Eemɔs 5:17

Basa beeŋ baa boŋ to a shu ashi asɔrso nɛ baa tre greep na be ndɔana kikɛ to. Ade kikɛ malɛ beeŋ wora nna ŋkpal ma kasogberge ka bee ba menyi so so.” Enyɛnpe Ebɔrɛ na e malga na.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Nɔmbɛs 33:4

Ijiptebi na daa puli bumo be ewurkoŋnyɛn nɛ Enyɛnpe Ebɔrɛ daŋ mɔ na nna nsaa keni Israɛlebi na nɛ baa yɔ. Kede e naa ŋini fanɛ Enyɛnpe Ebɔrɛ kɔ eleŋ a chɔ Ijiptebi na be agbirana.

1 Samuɛl 5:3

Ŋklade kachipurdidi nɛ Ashdɔd be basa na wu kegbir na be kapɔrduli ka tɔr kasawule a dese kumo be epun so ashi Enyɛnpe Ebɔrɛ be ŋkre be deka na be anishito. Ndoŋ nna nɛ b naŋ niŋi kumo to n yili kumo be eyilikpa.

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.