Ɛksodɔs 11:8 - EBƆRƐ BE KAWƆL

⁸ Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 11:8 ပူးပေါင်းရင်းမြစ်များ

1 Bewura 20:10

E yɛ: “Meeŋ shin nɛ benapo e ba jija fo kade ere nɛ shɛŋ shɛŋ maaŋ naŋ ka ndoŋ. Nɛ ŋ kaa maŋ wora loŋ, kumo ere agbir nɛ mee shuŋ ere e mɔ ma!”

2 Bewura 3:9

Ndoŋ nna nɛ Edɔm be bewura ti bumo so nɛ bumo be bewura asa na keta bumo be benapo n lar nɛ b ya kɔ Mowab be ewura kena. B ka nite nchɛ ashunu nɛ bumo be nchu kikɛ loge nɛ benapo na nɛ egbaŋɛ na kikɛ maŋ naŋ nya nchu nɛ b nuu.

Nehemaya 5:6

Ŋ ka nu b kaa bee fubel a bile asheŋ na nɛ agbo pɛ ma ga.

Nshɛ 6:1

Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.

Ɛksodɔs 10:29

Ndoŋ nna nɛ Mosis kaŋɛ mo: “To, k nyalɛ. Fo ka baŋ kaŋɛ le ere, m maaŋ naŋ ba fo anishito kikɛ.”

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Ditɛronɔmi 29:24

Efuli pɔtɛana so be basa kikɛ beeŋ bishi le: “Manɛ nna nɛ Enyɛnpe Ebɔrɛ na wora bumo be kasawule loŋ? Manɛ e bar mbe kanya agbo?”

Ditɛronɔmi 32:24

Meeŋ shin nɛ akoŋgboŋ nɛ alɔ mɔso e mɔ menyi. Ma alɛ beeŋ shin nɛ kupuŋ to be asɔbɔya lubi e pɛ menyi, nɛ awɔ nɛ e kɔ kebɔr lubi malɛ gba e duŋ menyi.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.

Demujipoana 4:10

Ndoŋ nɛ Barak ya tre Zɛbyulɔn nɛ Naftali be eyiri to ebi na nɛ benyɛn ŋgboŋ kudu lar m bɛ mo so nɛ bumo nɛ Dɛbora kikɛ yɔ.

Demujipoana 8:5

B ka ta n ya fo kade nɛ baa tre Sukɔf na, nɛ Gidiɔn kaŋɛ ndoŋebi le: “Men jande, men sa ma benapo ere ajibi ŋkpal manɛ so, b gben nsaa chɛl nna na; ama anyi alɛ kraa ju Zeba nɛ Zalmuna nɛ b la Midian be bewura na nna.”