Ɛksodɔs 11:7 - EBƆRƐ BE KAWƆL

⁷ Ama kakpa nɛ Israɛlebi na bre wɔ, basa maaŋ shu, hale jɔnɔ gba maaŋ gbu. Saŋɛ na so menyi, Ijiptebi beeŋ pin fanɛ Israɛlebi na kɔr menyi to ashi ma, Enyɛnpe Ebɔrɛ na kutɔ.

Ɛksodɔs 11:7 ပူးပေါင်းရင်းမြစ်များ

Job be kawɔl 5:16

Mo e naa sa betirpo tama a shin nɛ kemaa ji asheŋ nɛ amo be ekpa so bee ba ekar.

Nshɛ 7:12

Nɛ alubiworapo maŋ tuba ashi mbe alubi to, fo yee fo tokobi nna nseŋ gberge fo keta to;

Ɛksodɔs 10:23

Basa daa maŋ naa wu abar kumo be saŋɛ. Ekama malɛ daa maŋ yɔ kaplɛkama nchɛ asa na to. Ama amo be saŋɛ na kikɛ so nɛ kefulto wɔ kakpa nɛ Israɛlebi na bre daa wɔ na.

Ɛksodɔs 7:22

Ndoŋ nna nɛ Ijipt be ŋkilgiwuraana malɛ gba ta bumo be ademansheŋ be ŋkilgi n wora loŋ koŋwule na nɛ Fɛɛro be kagbene naŋ ki kpakpa n ti so nɛ e kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ɛksodɔs 9:26

Kakpa nɛ Israɛlebi na daa wɔ nɛ baa tre ndoŋ Goshen na nawule nɛ abɔrɛjembubi be bɔrɛgboŋ na daa maŋ yɔ.

Ɛksodɔs 9:4

Ama ma, Enyɛnpe Ebɔrɛ na beeŋ barga Israɛlebi be asɔbɔya nɛ Ijiptebi be asɔbɔya to nseŋ shin nɛ Israɛl be basa bre be asɔbɔya e sa maŋ wu.’ ”

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

Joshuwa 10:21

Israɛl be benapo na bre daŋ bɛta nɛ alenfia nna m ba Joshuwa kutɔ ashi Makɛda be keeyi to. Basa nɛ b wɔ efuli na so na malɛ be ekama daa ŋana kenaŋ m malga kamalga lubi ŋ gbiti Israɛlebi na nna.