Ɛksodɔs 11:6 - EBƆRƐ BE KAWƆL

⁶ Ijipt be kaba so kikɛ nyam, basa beeŋ baa boŋ to a shu. B maŋ naŋ shu loŋ be kushu ashi Ijipt be kasawule so kikɛ, bumo alɛ maaŋ naŋ shu loŋ be kushu kikɛ.

Ɛksodɔs 11:6 ပူးပေါင်းရင်းမြစ်များ

Ɛksodɔs 11:7

Ama kakpa nɛ Israɛlebi na bre wɔ, basa maaŋ shu, hale jɔnɔ gba maaŋ gbu. Saŋɛ na so menyi, Ijiptebi beeŋ pin fanɛ Israɛlebi na kɔr menyi to ashi ma, Enyɛnpe Ebɔrɛ na kutɔ.

Ɛksodɔs 12:30

Kumo be kanyɛ na nɛ ewura Fɛɛro nɛ mbe beyaasepo nɛ Ijipt be basa kikɛ koso a boŋ to a shu awɔrso kaplɛkama, ŋkpal manɛ so, laŋ kama daa maŋ wɔ Ijipt to nɛ esa maŋ wu kumo to.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 9:18

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre.

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Aizaaya 15:8

Kagbenejija so be kushu baaŋ sɔ Mowab be kasawule kikɛ so nna nɛ esa beeŋ tiŋ n nu bumo be kushu ashi nde nɛ baa tre Eglaim nɛ Beerilim na to.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Nfabel 3:8

Ŋ ka shu awɔrso ŋ kule mo fanɛ e chɛ ma to, e kini kenu ma kekule nna.

Eemɔs 5:17

Basa beeŋ baa boŋ to a shu ashi asɔrso nɛ baa tre greep na be ndɔana kikɛ to. Ade kikɛ malɛ beeŋ wora nna ŋkpal ma kasogberge ka bee ba menyi so so.” Enyɛnpe Ebɔrɛ na e malga na.

Zefanaiya 1:10

Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.

Luuk 13:28

Saŋɛ na so, menyeeŋ wu Eebraham nɛ Aizek nɛ Jeekɔb nɛ anebiana na kikɛ ashi Ebɔrɛ be kuwura na to, ama menyi alɛ maaŋ nya n luri. Ndoŋ nɛ menyeeŋ shu nseŋ we anyi to.