Ɛksodɔs 11:5 - EBƆRƐ BE KAWƆL

⁵ Kaplɛkama malɛ nɛ e yɔ be ewurkoŋ nyɛnso beeŋ wu. Yili ewura Fɛɛro n ya fo kenyache nɛ e bee kɔr ayu be ewurkoŋ nyɛnso beeŋ wu, nɛ asɔbɔya na gba peya e wu.

Ɛksodɔs 11:5 ပူးပေါင်းရင်းမြစ်များ

Nshɛ 105:36

Ade kikɛ nyam be kaman nɛ Ebɔrɛ shin nɛ Ijiptebi be ewurkoŋnyɛn kikɛ nyam wu.

Nshɛ 135:8

Enyɛnpe Ebɔrɛ na e daŋ mɔ Ijipt be efuli so be ewurkoŋ nɛ asɔbɔya be bibi juŋkparso kikɛ na.

Nshɛ 136:10

Mo e daŋ shin nɛ Ijipt be efuli so be kanaŋ kikɛ to be wurkoŋ wu na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 78:51

E daŋ shin nɛ Ijipt be efuli so be ewurkoŋnyɛn kikɛ wu nna.

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 13:15

Ama saŋɛ nɛ Fɛɛro daŋ wora kagbene kpakpaso ŋ kini keshin nɛ an yɔ na, Enyɛnpe Ebɔrɛ daŋ mɔ Ijipt be kasawule so be ewurkoŋnyɛn kikɛ nna, edimɛdi nɛ asɔbɔya kikɛ peya. Ŋkpal loŋ so nɛ an ta asɔbɔya be bibinyɛn juŋkparso kikɛ a lara sarga a sa Enyɛnpe Ebɔrɛ na nsaa shin nɛ anyi be ewurkoŋnyɛn malɛ kikɛ bee ki cheembi a wɔtɔ a sa mo na.

Ɛksodɔs 4:23

Amoso nɛ n yɛ fo shin nɛ ma basa e yɔ n ya bunyaŋ ma na. Nɛ fo baŋ kini, kumo ere, meeŋ mɔ fo wurkoŋnyɛn.’ ”

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

Nfabel 5:13

B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.

Matiu 24:41

Beche anyɔ beeŋ baa kɔr asɔ abo so nɛ b ta ekoŋwule nseŋ ka enyɔsopo na.

Hibruwebi 11:28

Yirda so nɛ e daŋ fara Kebansonchoŋ be kejigboŋ nseŋ daŋ shin nɛ b ta ŋklaŋ ŋ gbiti mbunaana nɛ malaika murpo na e sa maŋ beta Israɛlebi be kowu kama to be kebinyɛnbi juŋkparso na.

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.