Ɛksodɔs 11:3 - EBƆRƐ BE KAWƆL

³ Ndoŋ nna nɛ Enyɛnpe Ebɔrɛ shin nɛ Ijiptebi na be ŋgbene pɛ Israɛlebi na ga nɛ ewura Fɛɛro be beyaasepo gba nɛ Ijipt be basa kikɛ fara a keni Mosis a bɔlɔ kenishi.

Ɛksodɔs 11:3 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

2 Samuɛl 7:9

Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

Ɛsta 9:4

Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Nshɛ 106:46

E daŋ shin nɛ bumo doŋana shu bumo so nna.

Ɛksodɔs 12:35

Kusɔ kama nɛ Mosis daŋ kaŋɛ Israɛlebi na, bumo alɛ wora. B daŋ kule ŋ kule Ijiptebi na shuwa nɛ gbiti be abitasɔ nɛ asɔbuuso nna.

Ɛksodɔs 12:36

Enyɛnpe Ebɔrɛ daŋ shin nɛ Israɛlebi na be asheŋ bɔlɔ Ijiptebi na kenishi nna nɛ b sa bumo kusɔ kama nɛ b daŋ kule bumo kikɛ. Loŋ be ekpa na so nɛ Israɛlebi na daŋ bɔla n sulɔ Ijiptebi na be asɔ damta n yɔ.

Ɛksodɔs 3:21

Ma alɛ beeŋ shin nɛ Ijiptebi na e bugi ŋgbene n chɛ Israɛlebi na to saŋɛ na so men kaa lar ndoŋ men maaŋ ta enɔfuloŋ n lar.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Ashuŋ Shunso 7:22

Ndoŋ nɛ b ŋini mo Ijipt be kanyiasheŋ kikɛ nɛ e ba ki esagboŋ ashi mbe kamalga nɛ mbe asheŋ woraso kikɛ to.

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 34:11

Anebi kikɛ maŋ naŋ tiŋ n wora emamachisheŋ nɛ asheŋ nɛ a bee mɔ kɔnɔ n fo amo nɛ Enyɛnpe Ebɔrɛ na shuŋi Mosis nɛ e ya wora ashi Ijipt be ewura nɛ mbe benimuana nɛ efuli na kikɛ be basa be anishito so.

Joshuwa 4:14

Loŋ be kamɔnchɛ nɛ Enyɛnpe Ebɔrɛ maŋ Joshuwa so ashi Israɛlebi na kikɛ be anishito. Amoso yili loŋ be kachɛ na nɛ b fara a sa mo bunyaŋ fanɛ kananɛ b daa sa Mosis gba na.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.