Ɛksodɔs 11:2 - EBƆRƐ BE KAWƆL

² Amoso naniere ya malga n sa Israɛl be beche nɛ benyɛn fanɛ b kule ŋ kule bumo be bechenashapoana shuwa nɛ gbiti be abitasɔ.”

Ɛksodɔs 11:2 ပူးပေါင်းရင်းမြစ်များ

Jɛnesis 24:53

Kumo be kaman nɛ e lara shuwa nɛ gbiti be abitasɔ nɛ asɔbuusoana ko n sa Rebɛka nseŋ naŋ sa Rebɛka mo da Leeban nɛ mo nio gba yawu kpakpaso be ŋkɛ.

Jɛnesis 31:9

Amoso fo keni a, Ebɔrɛ ta men tuto be asɔbɔya nna n sa ma.

Nshɛ 105:37

Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Ɛksodɔs 3:21

Ma alɛ beeŋ shin nɛ Ijiptebi na e bugi ŋgbene n chɛ Israɛlebi na to saŋɛ na so men kaa lar ndoŋ men maaŋ ta enɔfuloŋ n lar.

Ɛksodɔs 3:22

Amoso Israɛl be eche kama beeŋ ya kule mbe bechenashapoana nɛ b la Ijipt be beche na asɔbuuso nɛ shuwa nɛ gbiti be abitasɔ lelaana. Nɛ menyi Israɛlebi na e ta loŋ be asɔana na n wɔtɔ men be mbinyɛnso nɛ men be mbicheso, saŋɛ na so, menyeeŋ nya Ijiptebi be asɔ n yɔ.”

Ɛksodɔs 32:24

Ndoŋ nna nɛ ma alɛ kaŋɛ bumo: ‘Ekama nɛ e kɔ shuwa be abitasɔ e lara amo m ba.’ Nɛ b lara n lara amo m ba sa ma nɛ n ta amo n wɔtɔ edɛ to nɛ a ŋalga. To, kananɛ kenabi na wora m ba nna na.”

Ɛksodɔs 35:22

Beche nɛ benyɛn kikɛ, daŋ bar shuwa be akonde nɛ mpinibi nɛ abɔtoshembi nɛ abitasɔ be yiri yiri kikɛ nna m ba sa Enyɛnpe Ebɔrɛ na.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Heegai 2:8

Durnya to be shuwa nɛ gbiti kikɛ la meya nna.

Matiu 20:15

M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”