Ɛksodɔs 10:9 - EBƆRƐ BE KAWƆL

⁹ Nɛ Mosis kaŋɛ mo: “Anyi nɛ anyi be mbia nɛ anyi be mbolpɔ kikɛ e naa yɔ, ŋkpal manɛ so, anyee sha keya wora kejigboŋ nna n sa Enyɛnpe Ebɔrɛ na.”

Ɛksodɔs 10:9 ပူးပေါင်းရင်းမြစ်များ

Jɛnesis 50:8

Le be basa ere kikɛ be buushi, Josɛf be laŋ to ebi kikɛ nɛ mo daana kikɛ nɛ mo tuto be laŋ to be basa kikɛ gba daŋ yɔ nna. Bumo be mbia nɛ bumo be mbolpɔ nɛ mboe nɛ ana nawule e daŋ ka a wɔ Goshen.

Ɛksodɔs 10:10

Ndoŋ nna nɛ ewura Fɛɛro kaŋɛ bumo: “Enyɛnpe Ebɔrɛ na e nɛfa menyi, ama men sa maŋ keta men be beche nɛ mbia bre n yɔ! Kashenteŋto, nɛ men wora loŋ kumo ere, nfɛra lubi ko e wɔ menyi to na.

Ɛksodɔs 10:26

Amoso, k daga fanɛ anyi be asɔbɔya kikɛ gba ka yɔ. Amo be kekama maaŋ shir nfe. K daga fanɛ an ya ta asɔbɔya na be beko m bunyaŋ Enyɛnpe anyi be Ebɔrɛ na. Anyi alɛ baa maŋ fo ndoŋ, anyi maaŋ tiŋ m pin asɔbɔya nɛ anyeeŋ ya ta m bunyaŋ mo.”

Ɛksodɔs 12:32

Men ta men be mbolpɔ nɛ mboe nɛ ana kikɛ a yɔ fanɛ kananɛ men kule na, ama men kaŋ yɔ, men kule Ebɔrɛ be nɛfa n sa ma ere gba!”

Ɛksodɔs 12:37

Israɛlebi na daŋ ta ayaso nna n yili Rameses n ya fo Sukɔf. B daa sa fanɛ benyɛn ŋgboŋ alfa ashe nna. B daa maŋ karga beche nɛ mbia bre n ti so.

Ɛksodɔs 12:38

Basa pɔtɛ damta gba daŋ ti bumo so n yɔ. B daŋ keta asɔbɔya fanɛ mbolpɔ nɛ mboe nɛ ana kikɛ n ti so n yɔ.

Ɛksodɔs 13:6

Menyeeŋ ji bodobodo nɛ a maŋ kɔ yiisi bɔkwe na nseŋ wora kejigboŋ kumo be kachɛ shunusopo na n nyiŋi kananɛ Enyɛnpe Ebɔrɛ na lara menyi ashi Ijipt be efuli so.

Ɛksodɔs 3:18

“Nɛ fo wora loŋ, Israɛl be benimu na beeŋ nu n sa fo nɛ fo keta bumo n yɔ Ijipt be ewura Fɛɛro kutɔ n ya kaŋɛ mo le: ‘Enyɛnpe Ebɔrɛ nɛ e la Israɛlebi be Ebɔrɛ na e lara mbe kumu ŋ ŋini anyi, amoso jande, sa anyi ekpa naniere nɛ an ta nchɛ asa n nite n yɔ keshishɛrsawule na so n ya lara sarga n sa Enyɛnpe Ebɔrɛ nɛ anyi be Ebɔrɛ na.’

Ɛksodɔs 5:1

Ade kikɛ be kaman nɛ Mosis nɛ Ɛɛrɔn yɔ Ijipt be ewura Fɛɛro kutɔ n ya kaŋɛ mo le: “Enyɛnpe Ebɔrɛ nɛ e la Israɛlebi be Ebɔrɛ na yɛ: ‘Shin nɛ ma basa e yɔ n ya wora kejigboŋ m bunyaŋ ma ashi keshishɛrsawule na so.’ ”

Ɛksodɔs 5:3

Ndoŋ nna nɛ Mosis nɛ Ɛɛrɔn kaŋɛ: “Israɛlebi be Ebɔrɛ na e lara mbe kumu ŋ ŋini anyi. Amoso sa anyi ekpa nɛ an ta nchɛ asa n nite n yɔ keshishɛrsawule na so n ya lara sarga ndoŋ n sa Enyɛnpe Ebɔrɛ nɛ e la anyi be Ebɔrɛ na. Nɛ mannɛ aloŋ e beeŋ shin nɛ alɔ ŋko kena e ba mɔ anyi.”

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Kaŋinichiŋgeliŋ 12:1

Amoso baa nyiŋi fo etopo jemanɛ nɛ fo kraa la kebifɔlbi ere, pɔɛŋ nɛ asheŋ e baa wora fo so keshi ashi nfɛ nɛ a wɔ fo anishito ere to nɛ fo kaŋɛ le: “Kebaawɔtɔ maŋ naa wora ma ebel.”

Nɔmbɛs 29:12

Men shɛr kufɔl shunusopo na be kachɛ kuduanusopo na n ji kachɛgboŋ m bɛ abar so nchɛnshunu m maŋkura Enyɛnpe Ebɔrɛ. Men sa maŋ shuŋ kushuŋ kikɛ loŋ be kachɛ na.

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”