Ɛksodɔs 10:7 - EBƆRƐ BE KAWƆL

⁷ Ndoŋ nna nɛ ewura Fɛɛro be beyaasepo na kaŋɛ mo le: “Shin nɛ basa na e yɔ n ya bunyaŋ Enyɛnpe Ebɔrɛ, bumo be Ebɔrɛ na, ŋkpal manɛ so, fo maŋ nyi fanɛ Ijipt bee mur nna ere a?”

Ɛksodɔs 10:7 ပူးပေါင်းရင်းမြစ်များ

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Ɛksodɔs 12:33

Kede be kaman Ijiptebi na daŋ fuge Israɛlebi na be aya ase kenishipereso nna fanɛ b lar bumo be kasawule so manaŋ. B yɛ: “Nɛ mannɛ aloŋ, anyi Ijiptebi kikɛ beeŋ wu n loge.”

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Aŋasa 29:6

Belubiworapo be alubi e naa kilgi a pɛ bumo, ama basa nɛ baa wora asheŋ nɛ a niŋi bre bee boŋ kagbenefuli be nshɛ nna.

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.

Aizaaya 14:20

Fo ka shin nɛ efuli pɔtɛana ba mɔ fo basa nseŋ mur fo efuli so, b maaŋ puli fo fanɛ kananɛ baa puli bewuraana na. Fo kanaŋ lubi ere to be esa kama maaŋ ji efute a wɔ ŋkpa to.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Jɛremaya 48:4

Mowab be efuli na beeŋ mur! Kumo be mbia beeŋ shu;

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

1 Kɔrintebi 7:35

Men be kechɛto so so nɛ mee kaŋɛ asheŋ ere na, m maa sha fanɛ n nyaŋ menyi nna. M baa sha fanɛ men baa wora asɔ nɛ a niŋi nsaa bɔla ekpa nna a kɔ kagbene koŋwule be kasha a shuŋ Enyɛnpe ŋkaa maŋ naŋ ka mba ko.

Joshuwa 23:13

kumo ere men baa nyi fanɛ Enyɛnpe Ebɔrɛ na maaŋ naŋ ju basa ere saŋɛ nɛ menyee ba ere. Kumo be loŋ malɛ beeŋ shin nɛ b lubi ŋ ki fanɛ kejigbelɛ ŋko kejamaŋ nsaa besa fanɛ kramɔsha ka duŋ esa be kaman ŋko ewi ka da esa be kenishito na. Loŋ malɛ beeŋ baa wora nna hale nɛ men kikɛ e ya mur kasawule lela nɛ Enyɛnpe Ebɔrɛ na sa menyi ere so.

1 Samuɛl 18:21

Ndoŋ nna nɛ e fɛ le: “Meeŋ kaŋɛ Deevid nɛ e ta Mikaal ŋ ki mbe eche, ama mee sha nna nɛ n wora loŋ saŋɛ na so Filistiebi na beeŋ mɔ mo.” Kede e ti so kela nyɔsopo Sɔɔl ka kaŋɛ fanɛ Deevid beeŋ ki mo sha.

1 Samuɛl 5:11

Ndoŋ nna nɛ b naŋ shuŋi n tre Filisti be bewura na kikɛ ŋ kaŋɛ bumo le: “Men shin nɛ an lara Ebɔrɛ be ŋkre be deka na ashi anyi to saŋɛ na so k maaŋ mɔ anyi nɛ anyi be basa kikɛ.” Nɛ keyeŋiyeŋi tɔr kade na be basa kikɛ so ŋkpal Ebɔrɛ be kasogberge ka daŋ ba bumo so alegaiso so.