Ɛksodɔs 10:6 - EBƆRƐ BE KAWƆL

⁶ Baaŋ luri m bɔlɔ fo nɛ fo beyaasepo nɛ Ijiptebi kikɛ be elaŋana to. K beeŋ baa la kusɔ nɛ men tutoana na ŋko men nanaana gba maŋ naŋ wu ŋ ku so, yili saŋɛ nɛ b ba kasawule ere so kikɛ m ba fo nɛ mbre.” Kumo be kaman nɛ Mosis nɛ Ɛɛrɔn lar ewura Fɛɛro kutɔ.

Ɛksodɔs 10:6 ပူးပေါင်းရင်းမြစ်များ

Ɛksodɔs 10:11

Amoso, shin nɛ menyi to be benyɛn na nawule e yɔ n ya bunyaŋ Enyɛnpe Ebɔrɛ na, ŋkpal manɛ so, aloŋ nɛ men chɛr a kule ma fanɛ n wora gba.” Kumo be kaman nɛ b ju Mosis nɛ Ɛɛrɔn ashi ewura Fɛɛro kutɔ.

Ɛksodɔs 11:6

Ijipt be kaba so kikɛ nyam, basa beeŋ baa boŋ to a shu. B maŋ naŋ shu loŋ be kushu ashi Ijipt be kasawule so kikɛ, bumo alɛ maaŋ naŋ shu loŋ be kushu kikɛ.

Ɛksodɔs 11:8

Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 8:21

Nɛ fo baŋ maŋ shin nɛ ma basa yɔ, meeŋ shin nɛ ashushombi damta e buu fo nɛ fo beyaasepoana nɛ fo basa kikɛ so nseŋ luri m bɔlɔ menyi be ebuana gba to hale n ya lar elaŋ to kikɛ.

Ɛksodɔs 8:3

Nail be lɔr ere kikɛ beeŋ bɔlɔ epulo nɛ b lar m ba fo laŋ to m ba luri fo ebu deseto to n dii n sɔ fo gedo so. A beeŋ luri fo beyaasepoana nɛ fo basa kikɛ be elaŋana to. Epulo beeŋ ba kaa wɔ men be bodobodo be etɔkpaana nɛ men be asɔ nɛ menyee gbiti ebodobodo kikɛ to.

Ɛksodɔs 9:18

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre.

Ɛksodɔs 9:24

Ijipt ka fara kikɛ loŋ be abɔrɛjembubi be bɔrɛ na be kaduli maŋ naŋ ba kumo be kasawule so kikɛ.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Jowɛl 2:9

Baa yarase nna a buu kadegboŋ na nsaa shile a tɛmbaŋ kumo be egbalana. Baa tiŋ a bɔla etokuro to a luri ebuana to fanɛ beyu na.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.