Ɛksodɔs 10:28 - EBƆRƐ BE KAWƆL

²⁸ Ndoŋ nna nɛ ewura Fɛɛro kaŋɛ Mosis le: “Foe ma anishito nfe naniere. Fo alɛ e sa maŋ kaŋ naŋ shin nɛ n wu fo kenishiso kikɛ. Kachɛ kama so nɛ n naŋ wu fo ma anishito, feeŋ wu.”

Ɛksodɔs 10:28 ပူးပေါင်းရင်းမြစ်များ

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Ɛksodɔs 10:11

Amoso, shin nɛ menyi to be benyɛn na nawule e yɔ n ya bunyaŋ Enyɛnpe Ebɔrɛ na, ŋkpal manɛ so, aloŋ nɛ men chɛr a kule ma fanɛ n wora gba.” Kumo be kaman nɛ b ju Mosis nɛ Ɛɛrɔn ashi ewura Fɛɛro kutɔ.

Ɛksodɔs 18:4

ŋkpal manɛ so, Mosis yɛ: “N tuto be Ebɔrɛ e la ma Echɛtopo nɛ e mɔlga ma ashi Fɛɛro be enɔ to.”

Eemɔs 7:13

Sa maŋ naa malga kewuŋkaŋɛ be asheŋ kikɛ ashi Bɛtɛl ŋkpal manɛ so ndoŋ nɛ efuli ere so kikɛ be nshɛrbu wɔ, nɛ bewura kikɛ bee shɛr kumo to.”

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.