Ɛksodɔs 10:26 - EBƆRƐ BE KAWƆL

²⁶ Amoso, k daga fanɛ anyi be asɔbɔya kikɛ gba ka yɔ. Amo be kekama maaŋ shir nfe. K daga fanɛ an ya ta asɔbɔya na be beko m bunyaŋ Enyɛnpe anyi be Ebɔrɛ na. Anyi alɛ baa maŋ fo ndoŋ, anyi maaŋ tiŋ m pin asɔbɔya nɛ anyeeŋ ya ta m bunyaŋ mo.”

Ɛksodɔs 10:26 ပူးပေါင်းရင်းမြစ်များ

Ɛksodɔs 10:25

Nɛ Mosis kaŋɛ ewura Fɛɛro le: “K daga fanɛ an baa kɔ asɔbɔya nɛ anyeeŋ ya mɔ n chɔɔ n lara esarga n sa Enyɛnpe Ebɔrɛ, anyi be Ebɔrɛ na.

Ɛksodɔs 10:9

Nɛ Mosis kaŋɛ mo: “Anyi nɛ anyi be mbia nɛ anyi be mbolpɔ kikɛ e naa yɔ, ŋkpal manɛ so, anyee sha keya wora kejigboŋ nna n sa Enyɛnpe Ebɔrɛ na.”

Ɛksodɔs 12:32

Men ta men be mbolpɔ nɛ mboe nɛ ana kikɛ a yɔ fanɛ kananɛ men kule na, ama men kaŋ yɔ, men kule Ebɔrɛ be nɛfa n sa ma ere gba!”

Ɛksodɔs 8:27

K daga fanɛ an ta nchɛ asa n nite n yɔ keshishɛrsawule na so n ya lara sarga na n sa Enyɛnpe anyi be Ebɔrɛ na fanɛ kananɛ mo gbagba yili anyi na.”

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Zakareya 14:20

Jemanɛ na kaŋ fo, baaŋ sibɛ ‘Baa du cheembi n sa Enyɛnpe Ebɔrɛ na’ n deŋi egbaŋɛ be adulombi so, nɛ bɔrɛlambu na to be mpuliya daŋɛso na e baa du cheembi fanɛ echeenshi cheembi nɛ a yil bɔrɛsure na ase na.

2 Kɔrintebi 8:5

B wora m baŋ kusɔ nɛ an daa tama so, ŋkpal manɛ so, kusɔ nɛ k juŋkpar e la fanɛ b ta bumo be amu n sa Enyɛnpe na nseŋ naŋ bɔla Ebɔrɛ be eleŋ so n ta bumo be amu m bɔɔ anyi alɛ gba enɔ.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.