Ɛksodɔs 10:23 - EBƆRƐ BE KAWƆL

²³ Basa daa maŋ naa wu abar kumo be saŋɛ. Ekama malɛ daa maŋ yɔ kaplɛkama nchɛ asa na to. Ama amo be saŋɛ na kikɛ so nɛ kefulto wɔ kakpa nɛ Israɛlebi na bre daa wɔ na.

Ɛksodɔs 10:23 ပူးပေါင်းရင်းမြစ်များ

Ɛksodɔs 14:20

Malaika na daa wɔ Ijipt be benapo na nɛ Israɛlebi na be nferinto nna. Kuwɔlpa na daŋ shin nna nɛ ketentembiri buu Ijipt be benapo na so nseŋ sa Israɛlebi na bre kefulto. Amoso kanyɛ na kikɛ Ijiptebi be benapo na daa maŋ tiŋ n tu Israɛlebi be benapo be katuŋ na.

Ɛksodɔs 7:25

Enyɛnpe Ebɔrɛ ka jija nchu na be nchɛnshunu.

Ɛksodɔs 8:18

Ndoŋ nna nɛ ŋkilgiwuraana na malɛ naŋ ta bumo be ŋkilgi n wora bumo be aworbi fanɛ baaŋ wora ania ŋ kilgi asɔ duŋso na be ako, ama bumo alɛ daa maŋ tiŋ n wora loŋ. Nɛ asɔ firgiso duŋso na baŋ mel edimɛdi nɛ asɔbɔya kikɛ nyam so.

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ɛksodɔs 9:26

Kakpa nɛ Israɛlebi na daa wɔ nɛ baa tre ndoŋ Goshen na nawule nɛ abɔrɛjembubi be bɔrɛgboŋ na daa maŋ yɔ.

Ɛksodɔs 9:4

Ama ma, Enyɛnpe Ebɔrɛ na beeŋ barga Israɛlebi be asɔbɔya nɛ Ijiptebi be asɔbɔya to nseŋ shin nɛ Israɛl be basa bre be asɔbɔya e sa maŋ wu.’ ”

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.