Ɛksodɔs 10:21 - EBƆRƐ BE KAWƆL

²¹ Kumo be kaman nɛ Enyɛnpe Ebɔrɛ naŋ kaŋɛ Mosis le: “Teŋi fo enɔ ŋ ŋini awɔlto nɛ ketentembiri e ba buu Ijipt be kasawule so kikɛ, k beeŋ baa la ketentembirigboŋ nna nɛ k beeŋ ba du mina kashenteŋto.”

Ɛksodɔs 10:21 ပူးပေါင်းရင်းမြစ်များ

Job be kawɔl 5:14

Hale kapiidi gba baa nite nna a la a la a fin ekpa fanɛ b ka na tentembiri to na.

Nshɛ 105:28

Ebɔrɛ daŋ shin nɛ tentembiri ba buu efuli na kikɛ so nna, ama Ijiptebi na daa maŋ nu n sa Ebɔrɛ.

Nshɛ 35:6

Shin nɛ bumo be ekpa to e ki tentembiri nsaa fɛrge, saŋɛ so nɛ Enyɛnpe be malaika ju a bɛ bumo so na.

Nshɛ 78:49

Ebɔrɛ daŋ nya agbo nna nɛ mbe kagbene koso bumo so ga, fanɛ luwu be mbɔ damta ka mel abar so na.

Ɛksodɔs 7:19

Kede be kaman nɛ Enyɛnpe Ebɔrɛ kaŋɛ Mosis le: “Kaŋɛ Ɛɛrɔn le: ‘Teŋi fo kekpabi na n shoŋi Ijipt be nchuana fanɛ eboŋana nɛ nchu be abɔr kursoana nɛ apaana nɛ edampuana nɛ atirbuana kikɛ nɛ a ki ŋklaŋ.’ Ijiptebi be asɔ nɛ baa saŋ nchu a wɔtɔ kikɛ fanɛ mpuya nɛ eboketi nɛ echeenshigboŋ nɛ egarwa kikɛ to be nchu beeŋ ki ŋklaŋ.”

Ɛksodɔs 9:22

Ndoŋ nna nɛ Enyɛnpe Ebɔrɛ kaŋɛ Mosis le: “Teŋi fo enɔ ŋ ŋini awɔlto nɛ abɔrɛjembubi gbɛgbɛso na e tɔr edimɛdi nɛ asɔbɔya nɛ asɔ duuso nɛ a wɔ Ijipt be kasawule so na kikɛ so.”

Aŋasa 4:19

Ama belubiworapo bre be ekpa biri to nna fanɛ tentembiri plɔ. Baa fiti a tɔr, ama b maa wu asɔ nɛ baa fiti na.

Kaŋinichiŋgeliŋ 2:14

Enyiashempo bre nyi kakpa nɛ e bee yɔ, ama ewulpo bre maŋ nyi kakpa nɛ e bee yɔ.” Kumo be lalaloge, enyiashempo nɛ ewulpo kikɛ sasa nna.

Kaŋinichiŋgeliŋ 6:4

Kebia nɛ b kurge nɛ e laŋɛ maŋ kɔ tɔnɔ kikɛ; e bee shir tentembiri to nna, nɛ b teŋ mo so epul to.

Ezikɛl 32:7

Jemanɛ nɛ meeŋ mur fo na kaŋ fo, meeŋ shin nɛ kakpa e buu so nɛ epeŋi nɛ kufɔl nɛ achɛkpabi kikɛ e fulto ŋ gben.

Matiu 27:45

Ta a ba kapaso, kerfi kuduanyɔ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Maak 15:33

Ta a ba kapaso, nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Luuk 23:44

Ta a ba kapaso, kerfi kuduanyɔ be jemanɛ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 28:29

E beeŋ shin nɛ men baa nite a laa a laa kapiidi fanɛ etanpo na a maa wu ekpa a nite. Ade kikɛ be kaman, kusɔ kama nɛ menyeeŋ baa wora maaŋ nyalɛ n sa menyi. Basa pɔtɛ beeŋ ba kaa mɛaŋ menyi nsaa yuri menyi be asɔ nɛ esa kikɛ maaŋ baa wɔtɔ nɛ e chɛ menyi to.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

2 Pita 2:17

Le be basa ere du fanɛ abombi nɛ a maŋ kɔ nchu nna ŋko kenyɔlɔ nna nɛ afugboŋ bee kpata a yɔ. Ebɔrɛ kɔ tentembiri nna le mina a jo bumo.

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.