Ɛksodɔs 10:17 - EBƆRƐ BE KAWƆL

¹⁷ Amoso men ta ma alubi nɛ n wora na m paŋ ma nseŋ kule Enyɛnpe, men be Ebɔrɛ na nɛ e lara le be aleblawu lubi ere ma so.”

Ɛksodɔs 10:17 ပူးပေါင်းရင်းမြစ်များ

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

2 Bewura 4:40

B ka ta nyɔto na n sa anebiana na nɛ b daŋ amo nseŋ kaŋɛ Elaisha le: “B wɔtɔ nyɔto na to kɔrtɔ nna.” Amoso anyi maaŋ ji amo.

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 8:4

Epulo na beeŋ ba kaa dii fo nɛ fo basa nɛ beyaasepo kikɛ so.”

Ɛksodɔs 8:8

Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

1 Samuɛl 15:25

Ama naniere bre mee kule fo nna nɛ fo ta ma alubi m paŋ ma nseŋ shin nɛ n tu fo n ya bunyaŋ Enyɛnpe Ebɔrɛ.”