Ɛksodɔs 10:15 - EBƆRƐ BE KAWƆL

¹⁵ B daŋ mel kasawule na kikɛ so nna m biri le gbitigbiti kaplɛkama, nɛ esa maaŋ naŋ tiŋ n wu kasawule gbagba ama bumo nawule. Elotɔr na malɛ daŋ ji asɔ kama nɛ abɔrɛjembubi na daŋ jija ŋ ka na kikɛ nna m mur. Kusɔ kama nɛ k daŋ kɔr a yil ndɔana to, nɛ ndibi sɔrso kikɛ be asɔrso daa maŋ naŋ ka Ijipt be kasawule na so. Kusɔ kama nɛ k daa la kedibi ŋko kusɔ duuso daa maŋ naa kɔ afantaŋ kumo so kuraa.

Ɛksodɔs 10:15 ပူးပေါင်းရင်းမြစ်များ

Nshɛ 78:46

E daŋ shin nɛ elotɔr nɛ alonte lar nna m ba mur bumo be adɔjibi kikɛ kasawule na so.

Ɛksodɔs 10:12

Ndoŋ nna nɛ Enyɛnpe Ebɔrɛ kaŋɛ Mosis: “Teŋi fo enɔ n shoŋi Ijipt be kasawule so nɛ elotɔr e ba ji asɔ kama nɛ abɔrɛjembubi na jija ŋ ka na nɛ a wɔ ndɔana to nɛ kasawule na kikɛ so na.”

Ɛksodɔs 10:5

Baaŋ ba mel kasawule so kikɛ nna gbi nɛ esa kama maŋ naŋ tiŋ n wu kasawule gbagba kenishiso. Baaŋ ji kusɔ kama nɛ abɔrɛjembubi na jija ŋ ka na kikɛ nyam n ta kedibi kama nɛ k wɔ men be adɔana to n ti so.

Aŋasa 30:27

Elotɔr maŋ kɔ ewura, amo alɛ nsaa bɛ abar so kenimu kenimu so fanɛ esoji na.

Jowɛl 1:4

Elotɔr be ntuŋgboŋ nɛ ntuŋwurbi bɛ m bɛ abar so m ba ji adɔjibi kikɛ nyam.

Jowɛl 2:25

Meeŋ bɛta asɔ kama nɛ benapo nɛ b du fanɛ elotɔr damta na daŋ jija na kikɛ n sa menyi. Ma Enyɛnpe Ebɔrɛ na e daŋ shuŋi elotɔr na.

Eemɔs 7:2

Elotɔr na ka ji kasawule ere so be adɔjibi kikɛ n loge na nɛ ŋ kaŋɛ le: “Enyɛnpetale, ta fo basa Israɛlebi be alubi m paŋ bumo! Nuso nɛ baaŋ wora n ji efute? B maŋ shibi bumo alɛ maŋ naa kɔ eleŋ.”

Nɔmbɛs 22:5

daŋ kpal loŋ so nna, n shuŋi mbɔ fanɛ b ta le be kubɔya n ya sa Biyɔɔ pibinyɛn Balaam nɛ e wɔ Pɛɛtɔ nɛ k mata lɔrgboŋ nɛ baa tre Yufreetes nɛ k wɔ Amawu be kasawule so na. “Mee sha nɛ fo pin fanɛ efuli lelemu be basa shi Ijipt be efuli so m ba. Bumo alɛ bee salga to nna a sɔ kaplɛkama nsaa sha kesɔ anyi be kasawule kikɛ.